2024 წლის 1 იანვრიდან დღემდე ახალქალაქის მუნიციპალიტეტში 198 ბავშვი დაიბადა. შარშანდელთან შედარებით მუნიციპალიტეტში შობადობა შემცირდა. 2023 წელს ახალქალაქის საავადმყოფოში 336 ბავშვი დაიბადა.

მიმდინარეობს მუნიციპალიტეტის სპორტული კომპლექსის რეკონსტრუქციაც. დიდი დარბაზის ჭერი ოდნავ უნდა ჩამოიწიოს, იატაკი დაილაქოს და სხვა სამუშაოები ჩატარდეს. ელექტრონული ტენდერი შპს „ოვალმა“ მოიგო.

ახალქალაქის სპორტული სკოლის ორ დარბაზში სარემონტო სამუშაოები გრძელდება. რემონტის დროს კიდევ ერთი დამატებითი კარი დაემატა.

ახალქალაქში ნიჭის იდეად გადაქცევა და მისგან საკუთარი ბიზნესისკენ სიარული საკმაოდ რთული გზაა. ამას ზოგჯერ წლები სჭირდება, რადგან ზოგ შემთხვევაში არ არის საკმარისი რესურსი და დრო. განვითარებულ ქალაქებში თუ ხელით შრომას აფასებენ, ახალქალაქში ასე არ არის. ჩვენი გმირები, ქრისტინე საჰაკიანი და ცოღიკ მარგარიანი, რამდენიმე წელია ხელსაქმეს ეწევიან, მაგრამ რატომღაც ვერ ახერხებენ საყვარელი საქმის ბიზნესად გადაქცევას.