«ჩვენი ჰესი დაახლოებით 10 დღეა მუშაობს. საჭირო დოკუმენტაციის წარდგენის შემდეგ, ჰიდროელექტროსადგური კვლავ ამოქმედდა», – განუცხადა JNEWS- ს საქართველოს პარლამენტის ყოფილმა დეპუტატმა, ენზელ მკოიანმა.
მისივე თქმით, მიუხედავად იმისა, რომ ამ პერიოდის განმავლობაში, მისი ოჯახის კუთვნილმა ჰესმა გარკვეული ზარალი განიცადა, მთავარი ის არის, რომ მან მუშაობა განაახლა.
«მას შემდეგ, რაც ჰესი თვენახევარი არ მუშაობდა, ჟანგიანმა წყალმა შიგნით შეაღწია, ზოგიერთი ნაწილი მწყობრიდან გამოვიდა, მაგრამ არაფერი, ამუშავდა», – განაცხადა ენზელ მკოიანმა.
შეგახსენებთ, რომ 2021 წლის იანვრიდან მარტის შუა რიცხვებამდე მკოიანების ჰესი გაჩერდა. ყოფილმა დეპუტატმა ენზელ მკოიანმა 26 იანვარს, ЈNEWS- სთან განაცხადა, რომ მათი ჰიდროელექტროსადგური განზრახ გააჩერეს.
«ისინი მოვიდნენ და ყველა საბუთი ნახეს. არის ქაღალდი, რომლის მიხედვითაც დაახლოებით 80 ლარი იყო გადასახდელი, რომელიც ყოველ ხუთ წელიწადში უნდა განახლდეს ნებართვის მისაღებად. ახლა, როცა ყველაფერი ონლაინ არის, ხალხმა დოკუმენტები შეიტანა, მაგრამ ჯერ არ მოუციათ. ჩვენ ვეუბნებით, ნახეთ, ჩვენ 20 დღის წინ შევიტანეთ განაცხადი, ონლაინ მივმართეთ, მაგრამ არ მუშაობენ. მოვიდნენ და ჰესის მუშაობა 20 გრადუსიან ყინვაში შეაჩერეს, როგორც ჩანს იმიტომ, რომ მწყობრიდან გამოვიდეს».
2021 წლის 11 იანვარს გარემოს დაცვის ზედამხედველობის დეპარტამენტის თანამშრომლებმა ახალქალაქში მდებარე შპს «ენერგია» დაათვალიერეს. საბოლოოდ გაირკვა, რომ საწარმო ფაქტობრივად ზედაპირული წყლების მოპოვების ტექნიკური რეგლამენტის გარეშე მუშაობს.
შპს „ენერგიის“ დირექტორმა სიტყვიერი გაფრთხილება მიიღო, რომ ტექნიკური რეგლამენტის გარეშე ზედაპირული წყლის გამოყენება აკრძალულია, ამ დოკუმენტის გარეშე კომპანიას არ შეუძლია საქმიანობის განხორციელება, რის საფუძველზეც შედგენილი იყო ადმინისტრაციული წერილი No01617, რომელიც შემდგომ შპს „ენერგიის“ მენეჯმენტს გადაეცა.
უკვე 13 იანვარს გარემოს დაცვის ზედამხედველობის დეპარტამენტის თანამშრომლებმა მეორე გაფრთხილება მისცეს. ჩატარდა შპს «ენერგიის» შემოწმება და ადმინისტრაციულ წერილში მითითებული პირობის შეუსრულებლობის ფაქტით შედგენილი იყო შესაბამისი ოქმი და დამატებითი ადმინისტრაციული წერილი, რომელიც შპს «ენერგიის» მენეჯმენტს გადაეცა.
მკოიანების ჰესი ექსპლუატაციის ნებართვის არქონის გამო გაჩერებულია
ახალქალაქში მკოიანების ჰესის გაჩერებას აპროტესტებენ
