გარემოს ეროვნული სააგენტოს ინფორმაციით, 28 სექტემბრის მიწურულიდან 1 ოქტომბრის დილამდე საქართველოში მოსალოდნელია პერიოდული ნალექი, უპირატესად ქვეყნის დასავლეთ ნაწილში, ხოლო აღმოსავლეთ საქართველოს მთიან და მაღალმთიან რაიონებში ადგილ-ადგილ – ძლიერი.
სინოპტიკოსების ცნობით, შესაძლებელია ელჭექი, სეტყვა, ქარის გაძლიერება, ხოლო ზღვაზე — 3–4-ბალიანი შტორმი.
„მოსალოდნელმა ძლიერმა ნალექებმა შესაძლოა მდინარეებზე წყლის დონის მნიშვნელოვანი მატება, პატარა მდინარეების აუზებში წყალმოვარდნები, ხოლო გორაკ-ბორცვიან და მთიან რაიონებში მეწყრულ-მეწყრული და მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალოა)“, — ნათქვამია გარემოს ეროვნული სააგენტოს ინფორმაციაში.
