2026 წლის მესამე კვარტლის მდგომარეობით, საქართველოში მოქმედი კომერციული ბანკებისა და მიკრობანკების ანგარიშზე 1.157 მლრდ ლარის ღირებულების დასაკუთრებული ქონებაა. ამის შესახებ კომერციული ბანკების ანგარიშგებაშია აღნიშნული. დასაკუთრებული ქონების თითქმის 74.1% კი 2 ბანკზე მოდის.
ფინანსური ანგარიშგებების მიხედვით, დასაკუთრებული ქონების მოცულობის მიხედვით, Top-5 ბანკში შედის:
თიბისი ბანკი – 463 933 989 ლარი
საქართველოს ბანკი – 393 995 588 ლარი
ბაზის ბანკი – 82 018 365 ლარი
ქართუ ბანკი – 57 453 612 ლარი
ტერა ბანკი – 52 530 837 ლარი
რაც შეეხება სხვა კომერციული ბანკების მიერ დასაკუთრებული ქონების მოცულობას, ასე გამოიყურება:
კრედო ბანკი – 40 411 485 ლარი; ვითიბი ბანკი – 24 416 532 ლარი; ლიბერთი ბანკი – 23 713 255 ლარი; ხალიკ ბანკი – 12 342 395 ლარი; ზირაათ ბანკი – საქართველო – 1 098 986 ლარი; პაშა ბანკი – 426 815 ლარი; იშ ბანკი საქართველო – 209 442 ლარი და პროკრედიტ ბანკი – 72 272 ლარი.
რაც შეეხება მიკრობანკებს, მესამე კვარტლის მდგომარეობით კრისტალის ანგარიშზე 3 394 902 ლარის. ემბისის კი 1 511 829 ლარის დასაკუთრებული ქონებაა.
ამასთან, 2026 წლის მესამე კვარტლის მდგომარეობით, სილქ-ბანკის, პეისერას, ჰეშ ბანკის და პეივ-ბანკ ჯორჯიას ანგარიშზე დასაკუთრებული ქონება არ ფიქსირდება.
ცნობისთვის, სებ-ის ინფორმაციით 2026 წლის მესამე კვარტალში ბაზარზე სულ 17 კომერციული ბანკი და 2 მიკრობანკი ოპერირებდა.
