საქართველოს პროკურატურამ ქვემო ქართლის რეგიონში მცხოვრები პირის დაკავების შესახებ განაცხადა, რომელიც ნაცნობ ქალს ინტიმური ფოტოებით აშანტაჟებდა.
გამოძიების ინფორმაციით, ბრალდებულმა ვიდეოზარის დროს უკანონოდ გადაიღო დაზარალებულის პირადი ცხოვრების ამსახველი ფოტო, უკანონოდ შეინახა იგი საკუთარ ტელეფონში და მასზე ფსიქოლოგიური ზეწოლის მიზნით იყენებდა.
დაკავებულს ბრალი საქართველოს სისხლის სამართლის კოდექსის 157-ე მუხლის პირველი ნაწილით წარედგინა, რაც პირადი ცხოვრების საიდუმლოს უკანონოდ მოპოვებას, შენახვასა და გავრცელებას გულისხმობს. აღნიშნული დანაშაული 7 წლამდე ვადით თავისუფლების აღკვეთას ითვალისწინებს.
