საქართველოს მთავრობამ 2026 წლის 9 თვის განმავლობაში შტატგარეშე თანამშრომელთა შრომის ანაზღაურებაზე 521,980 მლნ ლარი დახარჯა, რაც 2025 წლის იმავე პერიოდთან შედარებით 46 მლნ ლარით მეტია, — ამის შესახებ BPN-ის მიერ გავრცელებულ ინფორმაციაშია ნათქვამი.
მათი მონაცემებით, ბიუჯეტის შესრულების ანგარიშის თანახმად, გასულ წელს ხაზინიდან შტატგარეშე თანამშრომელთა ხელფასებზე 475,888 მლნ ლარი გამოიყო.
აღსანიშნავია, რომ ბიუჯეტის შესრულების ანგარიშში მითითებული არ არის, თუ რამდენი შტატგარეშე თანამშრომელი მუშაობს სხვადასხვა სამინისტროში, საჯარო სამართლის იურიდიულ პირებსა (სსიპ) და არასამეწარმეო (არაკომერციულ) იურიდიულ პირებში (აიპი). ამავე დოკუმენტის თანახმად, 2026 წელს შტატგარეშე თანამშრომელთა შრომის ანაზღაურებასთან ერთად გაიზარდა შტატით გათვალისწინებულ მოსამსახურეთა სახელფასო ფონდიც. გასული წლის 9 თვეში მათზე სულ 2,210 მლრდ ლარი გაიცა, ხოლო მიმდინარე წელს — 2,495 მლრდ ლარი.
რაც შეეხება წლიურ მაჩვენებელს, ბიუჯეტის შესრულების ანგარიშის მიხედვით, 2025 წელს საქართველოს მთავრობამ შტატგარეშე თანამშრომელთა შრომის ანაზღაურებაზე 684,245 მლნ ლარი დახარჯა.
