დღეს, 14 ივლისს, ახალქალაქის მუნიციპალიტეტის სოფელ აზავრეთში, საკუთარ სახლში 55 წლის მამაკაცი გარდაცვლილი იპოვეს. ცხედარი ექსპერტიზაზე უკვე გადაასვენეს.
სოფელში სხვადასხვა, ურთიერთგამომრიცხავი ინფორმაცია ვრცელდება: ნაწილი მკვლელობის ვერსიაზე საუბრობს, ნაწილი კი — თვითმკვლელობაზე.
Jnews ინფორმაციის დაზუსტებას საქართველოს შინაგან საქმეთა სამინისტროში ცდილობს.
მამაკაცი ჩვეულებრივი ცხოვრებით ცხოვრობდა, რუსეთში სამუშაოდ დადიოდა. მისი შვილები საზღვარგარეთ იმყოფებიან, თავად კი სოფელში მეუღლესთან ერთად ცხოვრობდა.
Jnews დამატებით დეტალებს დაზუსტებისთანავე შეგატყობინებთ.
