ივლისში ახალქალაქის რეფერალურმა კლინიკამ მიიღო 2024 წელს წარმოებული ახალი ტომოგრაფიული აპარატურა, რომელიც თითქმის შედარებულია MRT (მაგნიტურ-რეზონანსული ტომოგრაფიის) აპარატურასთან. კლინიკაში უკვე დაიწყო ახალი აპარატურის გამოყენება. ექიმი-რადიოლოგი ჰაკობ ჩახმახჩიანი ამბობს, რომ ეს არის ძალიან მნიშვნელოვანი აპარატურა საავადმყოფოსთვის და რეგიონისთვის.
ექიმი ჩახმახჩიანი აღნიშნავს, რომ ამ აპარატურით შესაძლებელია პათოლოგიების იდენტიფიცირება ერთ პროცედურაში.
„ინსულტის მქონე ყველა პაციენტმა, რომელიც სასწრაფო დახმარების სამსახურმა საავადმყოფოში მიიყვანა, უნდა გაიაროს ტომოგრაფია. ჩვენ ვადასტურებთ, ამ ადამიანს აქვს თუ არა სისხლი თავის არეში, მას აუცილებლად ჰქონდა ინსულტი თუ არა, ეს კი მხოლოდ ამ აპარატურით განისაზღვრება. ეს აპარატურა რომ არ გვქონოდა, ყველა იმ პაციენტს მოუწევდა თბილისს, ან უახლოეს ახალციხეს. გარდა ამისა, ავტოსაგზაო შემთხვევებიდან პოლიტრავმის დროს, იქნება ეს ხერხემალი თუ ფილტვები, ამ აპარატურით ჩვენ ვხედავთ ყველა პათოლოგიას ერთ პროცედურაში. ეს არის საკმაოდ სერიოზული საჭირო აღჭურვილობა საავადმყოფოსთვის და რაიონისთვის“, – ამბობს ახალქალაქის რეფერალური კლინიკის ექიმი-რადიოლოგი ჰაკობ ჩახმახჩიანი.
Canon Aquilion Start გთავაზობთ გამოსახულების პროტოკოლების სრულ სპექტრს სხვადასხვა კლინიკური საჭიროებების დასაკმაყოფილებლად. იქნება ეს ნეიროვიზუალიზაცია, გულ-სისხლძარღვთა თუ კუნთოვანი კვლევები, აპარატურა მოწინავე აპარატურული და პროგრამული კომპონენტებით იძლევა გამოსახულების სწრაფ რეკონსტრუქციას.
Canon Aquilion Start ტომოგრაფიის აპარატურა არის მოწინავე სამედიცინო გამოსახულების მოწყობილობა, რომელიც ტომოგრაფიის ტექნოლოგიის წინა პლანზეა. მოწინავე ფუნქციებითა და ინოვაციური შესაძლებლობებით აღჭურვილი ეს ტომოგრაფიული მოწყობილობა შექმნილია თანამედროვე სამედიცინო დიაგნოსტიკის მაღალი მოთხოვნების დასაკმაყოფილებლად.
წაიკითხეთ ასევე:
ახალქალაქის საავადმყოფომ საერთაშორისო სერთიფიკატი მიიღო
