ნინოწმინდის მუნიციპალიტეტში 2022 წელს სახელმწიფო ბიუჯეტიდან ქუჩების მონაკვეთები და სოფლის გზები, ჯამში 4 671 203 ლარად მოასფალტდება. აღნიშნულ ინფრასტრუქტურულ სამუშაოებზე გამოცხადებულია 4 ტენდერი, აქედან ორი ბოლო დროს გამოცხადდა, ორი კი უკვე განხორციელების დასკვნით ეტაპზეა.
12 აგვისტოს გამოცხადებული ტენდერის მიხედვით, ნინოწმინდაში ქუჩების შემდეგი მონაკვეთები და სოფლის გზა მოასფალტდება.
1. ნინოშვილის ქუჩა – 105 915 ლარი;
2. დუმბაძის ქუჩა – 404 623 ლარი;
3. თავისუფლების ქუჩაზე 54 და 56 სახლების ეზოების რეაბილიტაცია – 150 895 ლარი;
4. ჰოვსეფიანის ქუჩაზე 18-ე სახლის ეზოს რეაბილიტაცია – 94 579 ლარი;
5. კაპუტიკიანის ქუჩა – 232 152 ლარი;
6. ჯაფარიძის ქუჩა – 66 898 ლარი;
7. ვანის ქუჩებზე, ჰოვსეფიანისა და პუშკინის ხეივანზე სარეაბილიტაციო სამუშაოები – 137 746 ლარი;
8. მეგობრობის ქუჩა – 192 577 ლარი;
9. ძერჟინსკის შესახვევი – 209 075 ლარი;
10. სოფელ ორლოვკაში გზის მოასფალტება – 580 940 ლარი.
სახელმწიფო ბიუჯეტიდან დაფინანსებულ პროექტებში თანხის 95%-ს სახელმწიფო იხდის, პროექტის ღირებულების არანაკლებ 5%-ს ადგილობრივი ბიუჯეტი გამოყოფს. ტენდერი 12 აგვისტოს გამოცხადდა და ახლა მონაწილეობის განაცხადები მიიღება.
სახელმწიფო ბიუჯეტიდან ასევე მიმდინარეობს პატარა გონდურა-ყულალისის გზის რეაბილიტაცია. პროექტის მოცულობა 1 556 803 ლარია. სამუშაოები ორ ეტაპად უნდა დასრულდეს: პირველი ეტაპი 2022 წელს (474 600 ლარი) და მეორე ეტაპი 2023 წელს (1 082 203 ლარი). ამ პროექტზე ღირებულების 57% გამოყოფს სახელმწიფო ბიუჯეტი, ადგილობრივი ბიუჯეტი – 43%. 10 აგვისტოს გამოცხადდა კონკურსი, მიმდინარეობს საბუთების მიღება.
წელს ნინოწმინდის მუნიციპალიტეტში სახელმწიფო ბიუჯეტიდან დიდი გონდურა-პატარა გონდურა გზის დაგება მიმდინარეობს. სახელმწიფომ 500 000 ლარი გამოყო, სამუშაოების განსახორციელებლად კონკურსი 498 000 ლარით მოიგეს.
ნინოწმინდაში ჩაპაევის, ქუთაისელის და კარლ მარქსის ქუჩები მოასფალტდა. სახელმწიფო ბიუჯეტიდან გამოყოფილმა თანხამ 476 102 ლარი შეადგინა. ტენდერი 441 000 ლარის ოდენობით მოიგეს.
ამ სამუშაოებში 95%-ს სახელმწიფო ბიუჯეტი ფარავს, 5%-ს – ნინოწმინდის მუნიციპალიტეტის ბიუჯეტი.
ბოლო ორ შემთხვევაში ტენდერი შპს “ჯავახავტოგზამ” მოიგო.
აღნიშნული სამუშაოები დასკვნით ეტაპზეა.
