სიახლე კანონი საქართველო

სამცხე-ჯავახეთში 3 თვეში 352 ავტოსაგზაო შემთხვევა მოხდა

---

2026 წლის პირველ კვარტალში საქართველოში სულ 14 839 საგზაო-სატრანსპორტო შემთხვევა მოხდა. შინაგან საქმეთა სამინისტროს მიერ გამოქვეყნებული სტატისტიკის მიხედვით, მათგან 14 175 კლასიფიცირდა როგორც ადმინისტრაციული სამართალდარღვევა, ხოლო 664 — როგორც სისხლის სამართლის დანაშაული სისხლის სამართლის კოდექსის შესაბამისად.

შედეგად, 2026 წლის პირველ კვარტალში დაიღუპა 92 ადამიანი, ხოლო 989-მა მიიღო დაზიანება.

შინაგან საქმეთა სამინისტროს მონაცემებით, მიმდინარე წლის პირველ 3 თვეში მომხდარი ავარიების გადანაწილება რეგიონების მიხედვით ასეთია:

თბილისი – 9033 ადმინისტრაციული სამართლის საქმე, 246 – სისხლის სამართლის;

• აჭარა – 1276 ადმინისტრაციული სამართლის საქმე, 113 – სისხლის სამართლის;
• იმერეთი – 806 ადმინისტრაციული სამართლის საქმე, 73 – სისხლის სამართლის;
• ქვემო ქართლი – 844 ადმინისტრაციული სამართლის საქმე, 65 – სისხლის სამართლის;
• მცხეთა-მთიანეთი – 522 ადმინისტრაციული სამართლის საქმე, 29 – სისხლის სამართლის;
• შიდა ქართლი – 557 ადმინისტრაციული სამართლის საქმე, 41 – სისხლის სამართლის;
• სამეგრელო-ზემო სვანეთი – 396 ადმინისტრაციული სამართლის საქმე, 29 – სისხლის სამართლის;
• კახეთი – 367 ადმინისტრაციული საქმე, 42 – სისხლის სამართლის საქმე;
• სამცხე-ჯავახეთი – 338 ადმინისტრაციული სამართლის საქმე, 14 – სისხლის სამართლის საქმე;
• გურია – 114 ადმინისტრაციული სამართლის საქმე, 12 – სისხლის სამართლის საქმე;
• რაჭა-ლეჩხუმი და ქვემო სვანეთი – 21 საქმე ადმინისტრაციული წესით.

საგზაო-სატრანსპორტო შემთხვევების ძირითადი მიზეზებია:

• მოხვევის მანევრი;
• საპირისპირო ზოლზე გადასვლა ან გასწრების წესების დარღვევა;
• ქვეითთა გადასასვლელით არასწორი სარგებლობა;
• დადგენილი სიჩქარის გადაჭარბება;
• დისტანციის დაუცველობა;
• სატრანსპორტო საშუალების მართვა ალკოჰოლური სიმთვრალის მდგომარეობაში;
• საგზაო ნიშნის ან მონიშვნის მოთხოვნების დაუცველობა;
• ორმაგი უწყვეტი ხაზის გადაკვეთა;
• მოხვევის მანევრი;
• დაბრკოლებასთან შეჯახება.