მუნიციპალიტეტის მერია ახალქალაქის მეცხოველეობის ბაზრის მომსახურებისთვის კონკურსს მალე გამოაცხადებს. საქონლის ბაზარი 2019 წლიდან დაკეტილია და სამჯერ გარემონტდა სტანდარტების დაკმაყოფილების მიზნით, მაგრამ 2022 წლის ბოლო რემონტის შემდეგ არ გახსნილა.
სურსათის ეროვნულ სააგენტოში, რომელმაც საქონლის ბაზრის ფუნქციონირების ნებართვა სტანდარტების დაუცველობის გამო არ გასცა, 2023 წლის ოქტომბერში ბოლო ზარის დროს სიტუაციაზე კომენტარი არ გაუკეთებიათ.
ჩვენი ინფორმაციით, საქონლის ბაზარი, მესამე რემონტის შემდეგ, კვლავ არ აკმაყოფილებს სტანდარტებს და სურსათის სააგენტოს მიერ გაცემული რეკომენდაციები სრულად არ შესრულებულა. თუმცა ეს ინფორმაცია სურსათის სააგენტოში ოფიციალურად არც უარყვეს და არც დაადასტურეს.
ახალქალაქის მუნიციპალიტეტის მერია საქონლის ბაზრის მომსახურებაზე კონკურსს მალე გამოაცხადებს.
კითხვაზე, შეესაბამება თუ არა საქონლის ბაზარი საერთაშორისო სტანდარტებს, ახალქალაქის მუნიციპალიტეტის ეკონომიკური განვითარებისა და ქონების სამსახურის უფროსმა, მნაცაკანა ფამბუხჩიანმა გვიპასუხა, რომ შეუსაბამობის შესახებ ოფიციალური წერილი არ მიუღიათ. მიღების შემთხვევაში ისინი საკითხის მოგვარებას შეძლებდნენ.
აღსანიშნავია, რომ 2019 წლიდან საქონლის ბაზარი სამჯერ გარემონტდა, ჯამში 47 394 ლარი დაიხარჯა.
ამ თემაზე ასევე წაიკითხეთ:
ახალქალაქის საქონლის ბაზარი ამუშავდება თუ არა, უცნობია
ახალქალაქის საქონლის ბაზარს უკვე მესამედ არემონტებენ
