27 ნოემბერს თბილისში, დიმიტრი უზნაძის 93 ნომერში, ცნობილი სომეხი კომპოზიტორის არამ ხაჩატრიანისადმი მიძღვნილი მემორიალური დაფის გახსნის ცერემონია გაიმართა.
მსოფლიოში ცნობილი კომპოზიტორი ამ მისამართზე 1906 წლიდან 1922 წლამდე ცხოვრობდა.
ღონისძიებას ესწრებოდნენ საქართველოში სამუშაო ვიზიტით მყოფი სომხეთის რესპუბლიკის პრემიერ-მინისტრის აპარატის უფროსი არაიკ ჰარუთუნიანი, განათლების, მეცნიერების, კულტურისა და სპორტის მინისტრის მოადგილე დანიელ დანიელიანი, თბილისის საკრებულოს თავმჯდომარე გიორგი ტყემალაძე.
ღონისძიებაზე თბილისის არამ ხაჩატრიანის სახელობის №10 მუსიკალური სკოლის მოსწავლემ ალექს აკოპიანმა ნაწარმოები შეასრულა.
მისასალმებელი სიტყვით გამოვიდნენ სომხეთის ელჩი საქართველოში აშოტ სმბატიანი და საკრებულოს თავმჯდომარე გიორგი ტყემალაძე. სიტყვით გამოსვლისას საქართველოს ელჩმა ხაზი გაუსვა კომპოზიტორ ხაჩატრიანის ჩამოყალიბებასა და განვითარებაზე, თბილისში გატარებული წლების გავლენას და ინიციატივის მხარდაჭერისთვის მადლობა გადაუხადა საქართველოში სომხეთის რესპუბლიკის საელჩოს თბილისის საკრებულოს და არამ ხაჩატრიანის ერევნის სახლ-მუზეუმს.
ამის შესახებ საქართველოში სომხეთის საელჩოს ოფიციალური გვერდი Facebook-ზე იტყობინება.
