გორ აივაზიანი ბერძნულ-რომაულ ჭიდაობაში საქართველოს ჩემპიონატზე 97 კგ წონით და 20 წლამდე ასაკობრივ კატეგორიაში ჩემპიონი გახდა.
ტურნირი ქალაქ ხაშურში გაიმართა. გორის მეტოქე ბათუმის წარმომადგენელი ლუკა გაბისონია იყო. გორმა მეტოქე 4:2 ანგარიშით დაამარცხა.
წლის დასაწყისში გორმა 23-წლამდე საქართველოს ჩემპიონატშიც მიიღო მონაწილეობა და 97 კგ წონით კატეგორიაში მე-2 ადგილი დაიკავა.
გორი საქართველოს ნაკრების წევრია, 2022 წელს კი 17 წლამდე ახალგაზრდებს შორის ბერძნულ-რომაულ ჭიდაობაში მსოფლიოს ჩემპიონი გახდა.
როგორც სპორტსმენი აღნიშნავს, ყველაფერს თავისი მონდომების წყალობით მიაღწია.
„ყველაფერს დიდი ძალისხმევით მივაღწიე, ძალიან ბევრს ვმუშაობ. ხანგრძლივი ვარჯიშის შემდეგ საქართველოს 20-წლამდე ასაკის ჩემპიონატის გამარჯვებული გავხდი და ევროპისა და მსოფლიოს ჩემპიონატებში მონაწილეობის მიღების შესაძლებლობა მივიღე“, – განმარტა ჩემპიონმა Jnews-თან საუბრისას.
გორის თქმით, მისი ყველა მოწინააღმდეგე ძლიერი იყო.
„სპორტსმენთან, რომელთანაც ბოლო ტურნირზე ფინალში ვიბრძოდი, მაშინვე დავმარცხდი. მაგრამ ამჯერად, ბევრი ვარჯიშის წყალობით, იგი მე დავამარცხე“, – დაამატა ჩემპიონმა.
მისი მიზანი ევროპის ჩემპიონატში მონაწილეობა და მედლის მოპოვებაა.
გორი სომხეთში დაიბადა და გაიზარდა, მაგრამ საქართველოს დროშის ქვეშ იბრძვის, რადგან საქართველოს მოქალაქეა. მისი ფესვები ახალქალაქის მუნიციპალიტეტის სოფელ კარწახიდანაა.
უკვე ხუთი წელია, რაც საქართველოს წარმოადგენს, წვრთნებისას ყოველთვის საქართველოში ჩამოდის. სომხეთში აზატ ამოიანთან ვარჯიშობს, საქართველოში – ვაჟა ბოწაშვილთან.
შეგიძლიათ გაეცნოთ:
მოკრძალებული და გულწრფელი მსოფლიო ჩემპიონი ჯავახეთიდან
მსოფლიოს ჩემპიონი გორ აივაზიანი გახდა
