![](https://jnews.ge/wp-content/uploads/USA-Kelli-Degnan.jpg)
საქართველოში სომხეთის რესპუბლიკის ელჩის, რუბენ სადოიანის ინიციატივით, საქართველოს დამოუკიდებლობის დღესთან დაკავშირებით, სომხეთის დედაქალაქ ერევნის ქუჩების ბილბორდები საქართველოს დროშის ფერებში გაანათეს, – ამის შესახებ საელჩოს ფეისბუქის ოფიციალური გვერდი იტყობინება.
დამოუკიდებლობის დღესთან დაკავშირებით მილოცვები საქართველოში სომხეთის საელჩომაც გაავრცელა, რომელშიც ნათქვამია:
„დღეს საქართველო აღნიშნავს თავის ყველაზე მნიშვნელოვან ეროვნულ დღესასწაულს – დამოუკიდებლობის დღეს.
სომხეთის რესპუბლიკის საელჩო საქართველოში გულითადად ულოცავს საქართველოს მეგობარ ხალხს ამ სანუკვარ დღესასწაულს, უსურვებს მშვიდობას, კეთილდღეობას და ახალ მიღწევებს.
გილოცავთ დამოუკიდებლობის დღეს, საქართველო!”