ჯავახეთის ქუჩის №106 სახლის მცხოვრებლებმა Jnews-ის რედაქციას საჩივრით მიმართეს დიდ ძაღლთან დაკავშირებით, რომელიც, მათ თქმით, მუდმივად იმყოფება სახლის შესასვლელთან და ადამიანების მიმართ აგრესიას ავლენს.
ახალქალაქში უსახლკარო ძაღლების პრობლემა ქალაქის მცხოვრებთა შეწუხებას განაგრძობს. ზოგიერთი ადგილობრივისთვის ეს საქალაქო ცხოვრების ჩვეულებრივ ნაწილად იქცა, სხვებისთვის კი — მუდმივი შიშის წყაროდ, განსაკუთრებით მაშინ, როდესაც საქმე აგრესიულ ცხოველებს ეხება.
როგორც ერთ-ერთი ადგილობრივი ყვება, რამდენიმე დღის წინ ძაღლი მას ჩაკბენას შეეცადა. ცხოველი სახლის მიმდებარე ტერიტორიას არ ტოვებს და მას გზაშიც კი სდევს.
„ვჩივი, რადგან ეს ძაღლი ჩვენი სახლის კარიდან არასად მიდის. ეს არის უზარმაზარი, ნაგაზის ჯიშის ძაღლი, ყოველგვარი აცრებისა და ყურზე ბირკის გარეშე. მართალია, რამდენიმე პატარა ძაღლიცაა, მაგრამ სწორედ ეს ძაღლი ესხმის თავს ადამიანებს. გუშინწინ მან ზურგიდან ჩაკბენა დამიპირა. მაშინაც კი არ მიდის არასად, როცა ერეკები. არ ვიცით, რა გავაკეთოთ, რომ კართან წოლა შეწყვიტოს. როდესაც მშობლების სახლში მივდივარ, ფეხდაფეხ მომყვება. გზაში იმედი მაქვს, რომ ჩამომრჩება და გაქრება, მაგრამ ის ყოველთვის ბრუნდება“, — ყვება ადგილობრივი მცხოვრები.
ამ ძაღლის მუდმივი ყოფნა სახლის სიახლოვეს ადგილობრივების ყოველდღიურობას დაძაბულს ხდის.
„არც დღე გვაქვს მშვიდი და არც ღამე. ვმუშაობთ, სახლში ბავშვები გვყავს და ვერც მშვიდად გამოვდივართ სახლიდან, მით უმეტეს — ბავშვებს ვერ ვუშვებთ გარეთ. სარეცხს რომ ვკიდებთ, ძაღლი ძირს ქაჩავს და გლეჯს. სანამ უნდა გაგრძელდეს ეს? ორჯერ დარეკეთ ცხელ ხაზზე, დღეს კი პოლიციიდან დაგვირეკეს, რადგან ცხელ ხაზზე გვქონდა მიმართული. ვთხოვე, რაიმე მაინც იღონონ. არანაირი სარგებელი — არც მოსულან და სიტუაციაც კი არ შეუმოწმებიათ“, — ამბობს ქალი.
მცხოვრებლებმა მერიასაც მიმართეს.
„თხუთმეტი დღის წინ მერიაში დავრეკეთ და შევატყობინეთ, რომ ძაღლი ქუჩის მცხოვრებლებს ატერორებს. არანაირი შედეგი. ძაღლებს ფოტოები გადავუღეთ და გავუგზავნეთ — ისევ არაფერი. რა ვქნათ? დაველოდოთ, სანამ ძაღლი ვინმეს თავს დაესხმება და დაკბენს, რომ ვიდეო გადავიღოთ და ვაჩვენოთ? იმისთვის, რომ დაიჯერონ, რომ ძაღლები მართლაც საშიშები არიან? როდესაც პოლიციიდან დაგვირეკეს და გვითხრეს, რომ არაფრის გაკეთება არ შეუძლიათ, ვკითხე: „ელოდებით, რომ ჩვენ თვითონ მივიღოთ რაიმე ზომები და მერე 2000 ლარით დაგვაჯარიმოთ?““.
ადგილობრივი მცხოვრები კითხვას სვამს:
„თუ პოლიციას არ აქვს ამ საკითხის მოგვარების შესაძლებლობა, არც ადგილობრივ თვითმმართველობას აქვს, მაშინ საბოლოოდ ვის ევალება ამით დაკავება? ნუთუ საქართველოში არავინ მუშაობს ამ პრობლემაზე? რა ვქნათ? ვის მივმართოთ?“, — ამბობს მარინა აკოპიანი.
ადგილობრივები კომპეტენტურ სამსახურებს სთხოვენ, ყურადღება მიაქციონ შექმნილ სიტუაციას და მიიღონ ზომები ადამიანების უსაფრთხოების უზრუნველსაყოფად. ახალქალაქში უსახლკარო ძაღლების პრობლემა კვლავ მწვავედ დგას: არის გუნდები, პერიოდულად ტარდება დაჭერა, სტერილიზაცია და ვაქცინაცია, თუმცა ქალაქში მუდმივი თავშესაფარი არ არსებობს. თავდასხმებისა და დაკბენის საკითხიც აქტუალური რჩება. სახელმწიფო იჭერს უსახლკარო ძაღლებს, უტარებს მათ სტერილიზაციას, ვაქცინაციასა და რეგისტრაციას. ძაღლების ნაწილს ამის შემდეგ ისევ ქუჩაში აბრუნებენ.
