მიმდინარეობს საფეხმავლო ხიდის რემონტი, რომელიც ქალაქის ძირითად ნაწილს ჯივანის მიკრორაიონთან და ყოფილ სამხედრო ქალაქთან აკავშირებს. ღობის ბადეები გაიწმინდა და შეიღება, დაიწყო ხის საფარის გამოცვლა. 4 აგვისტოს ღამით უცნობმა პირებმა დააზიანეს და სამშენებლო კომპანიის აღჭურვილობის ნაწილები მოიპარეს.
საფეხმავლო ხიდის შეკეთებას ახორციელებს კომპანია ბათუმიდან, შპს “გაბიონი 2000”. ხიდი აქტიურად რემონტდება. ხიდის მოაჯირები ორივე მხრიდან, ასევე ხიდის საძირველის რკინის კონსტრუქციები უკვე გაწმენდილი და შეღებილია.
მიუხედავად იმისა, რომ ახალქალაქის მუნიციპალიტეტის მერიამ გამოაცხადა, რომ 31 ივლისს ხიდი რემონტის გამო დაიკეტებოდა, ხიდი საღამოს კვლავ ღია იყო ქვეითთა გადაადგილებისთვის.
კომპანიის წარმომადგენლის თქმით, ისინი ხვალ საბოლოოდ დახურავენ ხიდს, რადგან დაიწყებენ ხის საფარის დემონტაჟს.
“ერთი თვით დაიხურება, ნაკლებ დროში ვერ მოვასწრებთ. ბადეები გაიწმინდა, შეიღება, ჩვენ ასევე შევასწორებთ ბადეებს, ვასუფთავებთ საძირკველს, ამ დღეებში დავასრულებთ”, – ამბობენ კომპანიაში.
კვირის განმავლობაში, მუშებმა ხიდი სამუშაო დღის შემდეგ, საღამოს გახსნეს და აღჭურვილობა ხიდზე დატოვეს.
მუშების ინფორმაციით, უცნობმა პირებმა, სავარაუდოდ, ღამის საათებში დააზიანეს და მოიპარეს კომპანიის კუთვნილი ტექნიკის ნაწილები.
Jnews– ის კითხვაზე, დაუკავშირდნენ თუ არა პოლიციას, კომპანიის წარმომადგენელმა თქვა, რომ პოლიცია იცავდა ტექნიკას და ყველაფერი კარგად იყო იმ ღამით.
აღსანიშნავია, რომ ახალქალაქის მუნიციპალიტეტმა 171 610 ლარი გამოყო ხიდის შესაკეთებლად, შპს „გაბიონი 2000“ –მა გაიმარჯვა ტენდერში იმავე ოდენობით.
მიკროავტობუსი მუშაობს მოქალაქეების გადასაყვანად ყოფილი სამხედრო ქალაქიდან და «ჯივანის» მასივიდან ქალაქში და საპირისპირო მიმართულებით, ერთი მიმართულებით ერთი მგზავრის გადაყვანის ღირებულება- 1 ლარია.
