სპორტსმენმა ჯავახეთიდან, ოთარ ერანოსიანმა პროფესიონალურ ბრძოლაში რიგით მეექვსე გამარჯვება მოიპოვა.

 

მაიამიში, 6 მარტს შემდგარი ბრძოლის დროს მან მე-4 რაუნდში მოწინააღმდეგე ნოკაუტით დაამარცხა. ბრძოლა 8 რაუნდისგან შედგებოდა. ოთარის მოწინააღმდეგე იყო არგენტინელი სპორტსმენი ეზეკილ ალბერტო ტევესი, რომელმაც პროფესიონალურ რინგზე 16 გამარჯვება მოიპოვა.

«ჩემი მოწინააღმდეგე არგენტინელი იყო, გამოცდილი, კარგი მოწინააღმდეგე, რომელმაც 16 გამარჯვება მოიპოვა. პირველ რაუნდებში სირთულეები იყო, რადგან ის ძალიან სწრაფად მოძრაობდა, მოულოდნელად ბევრი დარტყმა მომაყენა. მაგრამ შემდეგ, ჩემი მწვრთნელის მითითებების წყალობით, მე-4 რაუნდში ბრძოლის ნოკაუტით დამარცხება მოვახერხე»,- ამბობს ოთარ ერანოსიანი.

156409092_1978492508956857_4238164270353337348_n

ბრძოლა 59 კგ წონით კატეგორიაში მიმდინარეობდა. ერანოსიანი ამ გამარჯვებას საკუთარ დედას უძღვნის.

«რადგან დღეს 8 მარტია, მე, შემთხვევით ვსარგებლობ, ჩემს გამარჯვებას საყვარელ დედას ვუძღვნი და ვულოცავ ყველა დედას, ქალს და გოგოს ქალთა საერთაშორისო დღეს»,- ამატებს სპორტსმენი.

გასულ ბრძოლაში მან 33 წლის ხუან კარლოს პენია დაამარცხა ნოკაუტით მე-4 რაუნდში და USA Super Feather Title-ის NABA ვერსიაში გაიმარჯვა.

მოკრივე ჯავახეთიდან (ფსევდონიმი პიტბული) მის დებიუტს განაგრძობს პროფესიონალურ რინგზე. 2019 წლიდან ის ცხოვრობს კისსიმმიში, ფლორიდაში, აშშ-ში. 2021 წლის 30 იანვარს ოთარ ერანოსიანი NABA Super Feather Title-ის ჩემპიონატის ქამრისთვის იბრძოდა მე-2 წონით კატეგორიაში (58,96 კგ)  NABA-ს ვერსიით.

აშშ-ში ოთარ ერანოსიანი Warriors promoushen-ის ამერიკული კომპანიის WARRIORS GYM კლუბს წარმოადგენს.

ოთარ ერანოსიანმა მოწინააღმდეგე ნოკაუტით დაამარცხა (Video)

ოთარ ერანოსიანი პროფესიონალურ კრივში მეოთხე გამარჯვებას აღნიშნავს

ამერიკის ჩემპიონი- ჯავახეთიდანაა