ახალქალაქის №1 ყოფილ სამხედრო ნაწილში საბავშვო სათამაშო მოედანი კეთილმოეწყო და დასუფთავდა, ასევე მიმდინარეობს სარემონტო სამუშაოები იმ ხიდის კიბეებზე, რომელიც ახალქალაქს „გოროდოკთან“ აკავშირებს.
15 და 17 სექტემბერს Jnews-ს ახალქალაქის №1 ყოფილი სამხედრო ნაწილის მწცხოვრებლებმა მიმართეს. მცხოვრებთა პირველი განგაში ეხებოდა საბავშვო მოედანს, რომელიც №1 ყოფილი სამხედრო ნაწილის ტერიტორიაზე მდებარეობს. მოედნის ზოგიერთი მონაკვეთი სავალალო მდგომარეობაში იყო, დაზიანებული სათამაშო კონსტრუქციები კი ბავშვებისთვის საფრთხეს წარმოადგენდა. იმ მცხოვრების თქმით, რომელმაც Jnews-ს მიმართა, ბავშვმა დაზიანებული სასრიალოდან ჩამოვარდნის შედეგად ტრავმა მიიღო.
Jnews ახალქალაქის მუნიციპალიტეტის ინფრასტრუქტურის, არქიტექტურისა და მშენებლობის სამსახურის ხელმძღვანელს, არა მოვსესიანებს დაუკავშირდა. მერიამ მცხოვრებთა მიერ წამოჭრილ პრობლემას უპასუხა და პირობა დადო, რომ საკითხი მაქსიმალურად მოკლე ვადებში მოგვარდებოდა.
ამის შემდეგ მალევე, Jnews-მა მცხოვრებლებისგან კვლავ მიიღო წერილები, ამჯერად უკვე მადლიერების ნიშნად. საბავშვო მოედანი დასუფთავდა, ხოლო დაზიანებული და გატეხილი სასრიალოების დემონტაჟი განხორციელდა, რამაც ბავშვებისთვის საფრთხე აღმოფხვრა. ეს სამუშაოები მერიის დავალებით ახალქალაქის სერვის-ცენტრის დირექტორმა, მხითარ რსტაკიანმა ორგანიზება გაუკეთა.
მცხოვრებლებმა Jnews-თან საუბრისას კიდევ ერთი პრობლემა წამოჭრეს, რომელიც №1 ყოფილი სამხედრო ნაწილის ქალაქ ახალქალაქთან დამაკავშირებელ ხიდს ეხებოდა. ხიდის კიბეები დიდი ხნის განმავლობაში დანგრეულ მდგომარეობაში იყო, ზოგიერთი მონაკვეთი კი ფაქტობრივად გაუვალი გახდა, რაც მცხოვრებლებს სერიოზულ სირთულეებს უქმნიდა.
Jnews-მა ეს პრობლემაც მერიას გადაუგზავნა და იკითხა, თუ როდის მოგვარდებოდა საკითხი. რამდენიმე დღის შემდეგ ხიდის კიბეებზე სარეაბილიტაციო სამუშაოები უკვე მიმდინარეობდა. როგორც მერიაში გვაცნობეს, შეკეთება საკუთარი სახსრებით, ქველმოქმედების სახით, რაფო ამაზარიანმა განახორციელა.
Jnews აგრძელებს ახალქალაქის მცხოვრებთა დამაფიქრებელი საკითხების გაშუქებას და მათი მოგვარების პროცესისთვის თვალყურის დევნებას.
