იმ აბიტურიენტებისთვის, რომლებმაც ერთიან ეროვნულ გამოცდებზე მინიმალური კომპეტენციის ზღვარი გადალახეს, თუმცა სტუდენტის სტატუსი ვერ მოიპოვეს, სამცხე-ჯავახეთის სახელმწიფო უნივერსიტეტმა მისაღებად ვაკანტური ადგილები გამოაცხადა.
საქართველოს განათლების, მეცნიერებისა და ახალგაზრდობის სამინისტროს გადაწყვეტილებით, აღნიშნული კატეგორიის აბიტურიენტებს ეძლევათ ე.წ. მეორადი ჩარიცხვის შესაძლებლობა.
სამცხე-ჯავახეთის სახელმწიფო უნივერსიტეტში ვაკანტური ადგილები გამოცხადებულია შემდეგ პროგრამებზე:
ქართული ფილოლოგია (ახალქალაქი) – 8 ადგილი
ტურიზმი (ახალქალაქი) – 19 ადგილი
ვეტერინარიის ინტეგრირებული სამაგისტრო საგანმანათლებლო პროგრამა – 42 ადგილი
ინფორმაციული ტექნოლოგიები – 12 ადგილი
აგრონომია – 7 ადგილი
რეგისტრაცია სექტემბრის პირველ ნახევარში გამოცხადდება.
