2026 წლის ივნისში საქართველოდან 2,1 მილიონი აშშ დოლარის ღირებულების 17,5 ათასი ცხვრის ექსპორტი განხორციელდა. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.
მათივე მონაცემებით, ექსპორტირებული ცხვრის რაოდენობა 5,5-ჯერ, ხოლო მათი ღირებულება 6,8-ჯერ აღემატება გასული წლის ანალოგიური პერიოდის მაჩვენებელს.
„2026 წლის ივნისში ექსპორტირებული ცხვრის საშუალო საექსპორტო ფასმა ერთ სულზე 120 აშშ დოლარი შეადგინა, რაც 24%-ით მეტია გასული წლის შესაბამის მაჩვენებელზე“, — ნათქვამია სამინისტროს განცხადებაში.
სამინისტროს ინფორმაციით, 2026 წლის ივნისში საქართველოდან ცოცხალი ცხვრის ექსპორტი შემდეგ ქვეყნებში განხორციელდა: აზერბაიჯანი (9,1 ათასი სული), ერაყი (4,8 ათასი სული), ქუვეითი (2,4 ათასი სული) და კატარი (1,2 ათასი სული).
