გარემოს ეროვნულმა სააგენტომ საქართველოს მთიან რეგიონებში დღეიდან ამინდის გაუარესების შესახებ გაავრცელა გაფრთხილება.
„3 ივლისის საღამოდან 5 ივლისამდე საქართველოს მთიან რაიონებში დროგამოშვებით მოსალოდნელია ხანმოკლე წვიმა, ზოგან ძლიერი. შესაძლებელია ელჭექი, სეტყვა და ძლიერი ქარი“, — ნათქვამია უწყების განცხადებაში.
სინოპტიკოსების პროგნოზით, მოსალოდნელმა ნალექმა შესაძლოა გამოიწვიოს წყალდიდობები, ასევე მეწყრული პროცესების გააქტიურება გორაკ-ბორცვიან და მთიან რაიონებში. საფრთხის დონე საშუალოდ ფასდება.
