მოსკოვის მერმა სერგეი სობიანინმა განაცხადა, რომ რუსეთის საჰაერო თავდაცვის ძალებმა მოსკოვის თავზე შვიდი უკრაინული უპილოტო საფრენი აპარატი ჩამოაგდეს.
„რუსეთის თავდაცვის სამინისტროს საჰაერო თავდაცვის ძალებმა მოსკოვის მიმართულებით მიმავალი შვიდი უპილოტო საფრენი აპარატი ჩამოაგდეს. ნამსხვრევების ჩამოვარდნის ადგილზე საგანგებო სამსახურები მუშაობენ“, – განაცხადა სობიანინმა.
გარდა ამისა, ბოლო 24 საათის განმავლობაში რუსეთის საჰაერო თავდაცვის სისტემებმა დედაქალაქის რაიონში 27 უპილოტო საფრენი აპარატი ჩამოაგდეს. რუსეთის თავდაცვის სამინისტროს ინფორმაციით, ქვეყნის ექვს რეგიონში 57 უკრაინული უპილოტო საფრენი აპარატია განადგურებული.
მოსკოვის აეროპორტებში შეზღუდვებია დაწესებული.
