ე.წ. ოკუპირებული აფხაზეთის „ცენტრალური საარჩევნო კომისია“ აცხადებს, რომ „პრეზიდენტობის კანდიდატმა“ ბადრა გუნბამ „არჩევნების“ მეორე ტურში ხმების 54,73% მიიღო და აფხაზეთის „პრეზიდენტი“ გახდა.
„1 მარტს ჩატარებული განმეორებითი კენჭისყრის წინასწარი შედეგებით, კენჭისყრაში მონაწილეობა მიიღო აფხაზეთის რესპუბლიკის მოქალაქეების 70%-მა, რაც შეადგენს 100 412 ადამიანს. კენჭისყრის წინასწარი შედეგებით, ადგურ არძინბამ ხმების 41,54% მიიღო, ბადრა გუნბამ – 54,73%. ბადრა გუნბა არის აფხაზეთის რესპუბლიკის არჩეული პრეზიდენტი“, – განაცხადა ე.წ.“ ცენტრალური საარჩევნო კომისიის„ თავმჯდომარემ დიმიტრი მარშანმა.
შეგახსენებთ, რომ გუშინ ოკუპირებულ აფხაზეთში “საპრეზიდენტო არჩევნების მეორე ტური” გაიმართა.
გევორგ ჯანოიან
