საქართველოს შემდეგი კატეგორიის მოქალაქეებს შეუძლიათ ისარგებლონ შეღავათებით საქართველოს პასპორტის აღებისას.
შეღავათებში შედის სახელმწიფო გადასახადის გადახდისგან გათავისუფლება ან ფასდაკლება.
საქართველოს მოქალაქის პასპორტის მიღებისას შეღავათები ენიჭება შემდეგ კატეგორიებს:
- მეორე მსოფლიო ომის მონაწილეები – უფასო
- საქართველოს ტერიტორიული მთლიანობის, თავისუფლებისა და დამოუკიდებლობისათვის საბრძოლო მოქმედებებში დაინვალიდებული საქართველოს მოქალაქეები – უფასო
- ომისა და სამხედრო ძალების ვეტერანები და იძულებით გადაადგილებული პირები – 50 პროცენტით;
- მკვეთრად და მნიშვნელოვნად გამოხატული შეზღუდული შესაძლებლობის მქონე პირები – 50 პროცენტით;
- უცხო ქვეყნის მოქალაქე, რომელსაც საქართველოს კონსტიტუციის შესაბამისად მიენიჭა საქართველოს მოქალაქეობა, თუ მოქალაქეობის მინიჭების ინიციატორი საქართველოს პრეზიდენტია –უფასო;
- 18 წლამდე პირები – 50 პროცენტით.
- სტუდენტები, რომლებზეც გაცემულია სტუდენტის სტატუსის მქონე პირადობის (ბინადრობის) ელექტრონული მოწმობა, თავისუფლდებიან მომსახურების საფასურის გადახდისაგან 5% -ით, 142,5 ლარი (150 ლარის ნაცვლად)
პასპორტის გამოცვლა საჭიროა შემდეგ შემთხვევებში;
- სახელის ან გვარის ცვლილების დროს
- ჩანაწერის უზუსტობის დადგენისას
- ვიზებისთვის განსაზღვრული ფურცლების გახარჯვისას
- პასპორტის მოქმედების ვადის გასვლისას
- დოკუმენტის დაზიანების, ცვეთის ან დაკარგვის შემთხვევაში.
