2024 წლის 15 ნოემბერი ახალქალაქში სისხლის დონორის დღედ გამოცხადდა. ახალქალაქის რეფერალურ საავადმყოფოში 11:00 საათიდან სისხლის ჩაბარება იქნება შესაძლებელი. ჰოსპიტალის მენეჯერი ალექსან თოროიანი ყველას სთხოვს, ვისაც შესაძლებლობა აქვს სისხლი ჩააბაროს, რადგან მას შეუძლია ვინმეს სიცოცხლე გადაარჩინოს.
15 ნოემბერს 11:00 საათიდან ახალქალაქის საავადმყოფოში სისხლთან დაკავშირებული ან სხვა დაავადებები ვისაც არ აქვს, ყველას შეუძლია სისხლის ჩაბარება.
„საბჭოთა კავშირის დაშლის შემდეგ დონაცია ნებაყოფლობითი გახდა, არის სისხლის პრობლემა, როცა მძიმედ დაავადებულები გვყავს და სისხლის გადასხმის აუცილებლობა ჩნდება, ყოველთვის პრობლემას ვაწყდებით. ადგილზე სისხლის ბაზა, ხოლო საიდანაც სისხლს ვღებულობთ – ახალციხე, ქუთაისი და თბილისი, უნდათ, რომ ხალხი წავიდეს და მათი პაციენტებისთვის სისხლი ჩააბაროს.
საქართველოში ასეთი პრობლემა არსებობს, ამიტომ ყველა რეგიონში და მუნიციპალიტეტში მოვაწყეთ დონორობის დღეები, და ამ დღეებში მოხალისეები მოდიან და სისხლს აბარებენ. მივმართავ ჩვენს მოსახლეობას, მერიის თანამშრომლებს, რაიონული საკრებულოს თანამშრომლებს, რესურსცენტრის თანამშრომლებს და მასწავლებლებს, რომ დაგვეხმარონ პროცესის სწორად ორგანიზებაში და რაოდენობის უზრუნველსაყოფაში“, – ამბობს ალექსან თოროიანი.
