ილიას სახელმწიფო უნივერსიტეტში ბაკალავრიატის, მაგისტრატურისა და დოქტორანტურის ზამთრის არდადეგები 26 დეკემბერს დაიწყება და 2023 წლის 7 იანვრის ჩათვლით გაგრძელდება. ვინაიდან 8 იანვარი კვირაა, სწავლა 9 იანვარს განახლდება. საგამოცდო პერიოდი კი 23 იანვარიდან 18 თებერვლის ჩათვლით გაგრძელდება.
მოსამზადებელი კურსის სტუდენტებისთვის ზამთრის არდადეგები უცვლელია, თუმცა მათი საგამოცდო პერიოდი 6 თებერვლიდან და 18 თებერვლის ჩათვლით გაგრძელდება.
ივანე ჯავახიშვილის სახელობის თბილისის სახელმწიფო უნივერსიტეტში საახალწლო არდადეგები 2023 წლის 1 იანვრიდან დაიწყება და 8 იანვრის ჩათვლით გაგრძელდება, რასაც საგამოცდო პერიოდი მოჰყვება – 9 იანვრიდან 6 თებერვლის ჩათვლით.
სამცხე-ჯავახეთის სახელმწიფო უნივერსიტეტში ბაკალავრიატის, მაგისტრანტებისა და დოქტორანტების საახალწლო არდადეგები 24 დეკემბერს დაიწყება და 2023 წლის 8 იანვრის ჩათვლით გაგრძელდება. ხოლო საგამოცდო პერიოდი 10 იანვარს დაიწყება და 28 იანვარს დასრულდება.
საქართველოს ტექნიკურ უნივერსიტეტში საახალწლო არდადეგები 2023 წლის 1 იანვრიდან დაიწყება და 8 იანვრის ჩათვლით გაგრძელდება, საგამოცდო პერიოდი – 8 თებერვლიდან 19 თებერვლამდე.
