27 ნოემბერს ქალაქ კასპში WKF კარატეს ღია ჩემპიონატი გაიმართა, საიდანაც სპორტული სკოლის ახალქალაქელი სპორტსმენები მედლებით დაბრუნდნენ.
ჩემპიონატში საქართველოს სხვადასხვა რეგიონიდან 150-მა სპორტსმენმა მიიღო მონაწილეობა. შეჯიბრებები 6-დან 17 წლამდე მოზარდებში ჩატარდა.
ახალქალაქის რაიონის სპორტსმენების ჩემპიონატზე მოპოვებული პრიზები:
- ანაჰიტ კირაკოსიანი – სოფელ თირკნადან, 10-11 წლის ასაკობრივ ჯგუფში და 30 კგ-მდე წონით კატეგორიაში – მე-2 ადგილი
- სამველ აღასარიანი – სოფელ თირკნადან, 12-13 წლის ასაკობრივ ჯგუფში და 42 კგ-მდე წონით კატეგორიაში – მე-2 ადგილი
- გორ სააკიანი – სოფელ ორჯადან, 8-9 წლის ასაკობრივ ჯგუფში და 30 კგ-მდე წონით კატეგორიაში – მე-3 ადგილი
ახალქალაქის რაიონის სპორტსმენების მწვრთნელი სარგის მარგარიანია.
