საქსტატის მონაცემებით, 2024 წლის სექტემბერში, წინა თვესთან შედარებით, ინფლაციის დონემ საქართველოში 0.3%, ხოლო წლიური ინფლაციის დონემ 0.6% შეადგინა.
ხოლო საბაზო ინფლაციის მაჩვენებელი 2024 წლის სექტემბერში, გასული წლის შესაბამის პერიოდთან შედარებით 0.9% იყო, ხოლო თამბაქოს გარეშე წლიური საბაზო ინფლაციის მაჩვენებელი 0.8%.
სტატისტიკის მიხედვით, სექტემბერში, წინა წლის სექტემბერთან შედარებით, ფასები შემცირებულია სიმინდის ფქვილზე, წიწიბურასა და კარტოფილზე.
უფრო კონკრეტულად, ტოპ-10 გაიაფებული პროდუქტის ჩამონათვალი ასეთია:
- სიმინდის ფქვილი – 17.7%
- წიწიბურა – 15%
- კარტოფილი – 14%
- ყურძენი – 14%
- ატამი – 8,1%
- მარგარინი – 6.3%
- ბადრიჯანი -6.2%
- ხახვი – 6.2%
- იმერული ყველი – 6%
- პელმენი (ნახევარფაბრიკატი) – 5.5%