«უშიშარი ადამიანი არ არსებობს, ჩვენ ყველას გვაქვს რაღაცის შიში, ამიტომ შიშს თვალებში უნდა ჩავხედოთ და მასთან ერთად კვალდაკვალ ვიაროთ»
ციტატა არის „სარკის წინ“ წიგნის პირველი თავი, რომლის ავტორი წალკის რაიონის სოფელ ოზნიდან გორ სიმონიანია. პატარა ასაკიდანვე მიჰყვებოდა და შთაგონებული იყო ისეთი გლობალური მოტივატორების ნამუშევრებით, როგორებიც არიან მარკ მენსონი, რობერტ კიოსაკი და რიჩარდ ბრენსონი, გორი ცდილობდა ახალგაზრდა მკითხველისთვის შეეთავაზებინა თანამედროვე წიგნი, რომელშიც მაგალითების სახით წარმოაჩენდა საკუთარ და სხვადასხვა ადამიანების ცხოვრებას. წიგნის მიზანია ახალგაზრდების ინტერესის მოზიდვა.
გორმა „სარკის წინ“ წიგნი 18 წლის ასაკში დაწერა, მაგრამ მრავალი მიზეზის გამო მას მხოლოდ ახლა შეუძლია მკითხველისთვის წარდგენა. წიგნი ეძღვნება მოტივაციას, სადაც ავტორი გვთავაზობს 10 თანამედროვე გადაწყვეტილებას მოტივაციაში ხელის შემშლელი მიზეზების აღმოსაფხვრელად და აღნიშნავს, რომ ყოველი ადამიანის ცხოვრებაში არის მომენტი, როდესაც თითქოს ყველაფერი დამთავრებულია, მაგრამ სინამდვილეში არაფერი დასრულებულა, ადამიანებს უბრალოდ ეშინიათ და ნებდებიან.
„როდესაც პირველად დავიწყე ამ წიგნის წერა, იყო მრავალი ხელისშემშლელი გარემოება. მაგალითად, წიგნის გამოცემის ხარჯების დაფარვა, მაგრამ კიდევ უფრო დიდი დაბრკოლება იყო სხვების აზრი, ყველას ეგონა, რომ ამ ასაკში წიგნის დაწერა შეუძლებელი იყო, რაც ახალგაზრდების დასახმარებლადაც იყო გამიზნული. რა თქმა უნდა, დაბრკოლებები შემექმნა, მაგრამ როგორ შეეძლოთ ჩემთვის დანებება მაიძულებინათ, როცა ჩემი მიზანი და რჩევა ახალგაზრდებისთვის არის არასოდეს დანებდე“, – ამბობს გორი.
