ბოლო დროს საქართველოში სოციალურ ქსელებში გავრცელდა ვიდეო, სადაც ლაშა არსენიძე პარტია “ტრიბუნადან” ანტისომხურ განცხადებებს აკეთებს და საქართველოში მცხოვრები სომხების მიმართ შეურაცხმყოფელ სიტყვებს წარმოთქვამს. ვიდეოს მხოლოდ სოციალურ ქსელებში არ მოჰყოლია ფართო გამოხმაურება და აღნიშნულ ფაქტზე შინაგან საქმეთა სამინისტრომ ადმინისტრაციული საქმე აღძრა. თუმცა ბევრს არასწორად მიაჩნია, რომ შსს-მ სისხლის სამართლის საქმე არ აღძრა.
არსენიძის ვიდეო სწრაფად გავრცელდა და სხვადასხვა სოციალურ პლატფორმაზე უამრავი გამოხმაურება მოჰყვა. ვიდეოს პროსახელისუფლებო მედია, “TV IMEDI” და “POS TV” გამოეხმაურა, თუმცა სტატიებში ვიდეოს ავტორის სახელი არ არის ნახსენები, მაგრამ დავით ჩიჩინაძის პარტია “ტრიბუნა” აღნიშნულია, თავად კი ავლაბრის რაიონის მაჟორიტარი დეპუტატია.
“ტრიბუნამ” გაავრცელა განცხადება, სადაც ნათქვამია, რომ მათი პარტიის ლოგოთი გავრცელებულ ვიდეოს არავითარი კავშირი არ აქვს პარტიის იდეოლოგიასთან, პოზიციასთან და სხვადასხვა პიროვნების აზრი, პარტიის საერთო ხედვას არ განსაზღვრავს.
ვიდეომ ორივე მედია პლატფორმაზე მწვავე დისკუსიები გამოიწვია. ზოგიერთი ვიდეოს გავრცელებაში მედიას ადანაშაულებს და პროვოკაციაად მიიჩნევს, რომელიც საქართველოში სომხებსა და ქართველებს შორის შიდაპოლიტიკური კონფლიქტების გაღვივებას ისახავს მიზნად. ხალხის მეორე ნაწილი სომხებს მოუწოდებს, გონებით განსაჯონ და პროვოკაციებს არ აჰყვნენ, რადგან ამ ყველაფერს პოლიტიკური ქვეტექსტი აქვს.
ვიდეოს გამოქვეყნებიდან ერთი დღის შემდეგ კი შსს-მ გაასაჯაროა განცხადება, სადაც ნათქვამია, რომ „ტრიბუნას“ წევრი ლაშა არსენიძე დაკითხვაზე დაიბარეს.
„ლაშა არსენიძემ სოციალურ ქსელში გამოაქვეყნა ვიდეო, სადაც ეთნიკური წარმოშობის ადამიანებს უხამსი სიტყვებით მიმართავს. საქართველოს შინაგან საქმეთა სამინისტრომ წვრილმანი ხულიგნობის ფაქტზე ადმინისტრაციულ სამართალდარღვევათა კოდექსის 166-ე მუხლით აღძრა საქმე“, – ნათქვამია შსს-ს განცხადებაში.
სომხების რეაქციამაც არ დააყოვნა, ვიდეო სომხურ ჯგუფებში სწრაფად გავრცელდა, რასაც სხვადასხვა განცხადებები მოჰყვა.
ორგანიზაცია „საქართველოს სომხური სათვისტომო“ მიმართვასაც ავრცელებს:
„ჩვენ არ ვიზიარებთ ადმინისტრაციული საქმის აღძვრას და მიგვაჩნია, რომ იურიდიული კვალიფიკაცია არ შეესაბამება ლაშა არსენიძის საქმიანობას. მის მიერ ჩადენილი ქმედება სისხლის სამართლის დანაშაულის ნიშნებს შეიცავს, კერძოდ მუქარას და ეროვნული სიძულვილის გაღვივებას. შესაბამისად, მიგვაჩნია, რომ აღნიშნულ საქმეზე სისხლის სამართლის საქმე უნდა აღიძრას და სამართალდამცავმა უწყებებმა სრული გამოძიება უნდა ჩაატარონ.
მოვითხოვთ, დამნაშავეები საქართველოს კანონმდებლობით დადგენილი წესით დაისაჯონ და კანონის შესაბამისად აგონ პასუხი. წინააღმდეგ შემთხვევაში, მსგავსი ფაქტები მომავალში აუცილებლად განმეორდება“.
18 მაისს, ცნობილი გახდა, რომ თბილისის საქალაქო სასამართლომ ლაშა არსენიძეს 12-დღიანი ადმინისტრაციული პატიმრობა მიუსაჯა, რასაც „საქართველოს სომხური სათვისტომო“ მიუღებლად მიიჩნევს და სამართალდამცავი ორგანოების მხრიდან გამოძიებას მოითხოვს.
ვიდეოს Facebook-გვერდზე საქართველოს სომხური საზოგადოებრივი პლატფორმის პრეზიდენტი გიორგი თუმასიანიც გამოეხმაურა და განაცხადა, რომ ტელეკომპანია “IMEDI”-სა და “POS TV”-ს გამო პრობლემა არამარტო გაგრძელდა, არამედ გამძაფრდა.
„მათმა ქმედებებმა სიძულვილის ენის „ახალ ამბებად“ გადაქცევით დისკრიმინაცია წაახალისა. თქვენი დანაშაულებრივი ქმედების გამო, რომელსაც „ახალ ამბად“ აღიქვამთ, სომეხი ხალხის ლანძღვა-გინება და მუქარა ტელეკომპანია „IMEDI“-ს და „POS TV“-ის საშუალებით საქართველოს სომხების გამოსახლების მუქარამ უკვე 200 000 ნახვა მოაგროვა. ეს არ არის “IMEDI” ან “POS TV”, ვიცით, რომ ამის უკან საქართველოს რუსეთის ხელისუფლება დგას“, – წერს გიორგი.
თუმასიანი არ გამორიცხავს, რომ ეს პროვოკაცია დავით ჭიჭინაძის წინააღმდეგ იყოს მიმართული, რომელსაც სომხებთან კარგი ურთიერთობა აქვს.
