ახალქალაქის მუნიციპალიტეტის სოფელ სულდაში წყლის პრობლემა, რომელიც მრავალი წლის განმავლობაში ვერ გვარდებოდა, საბოლოოდ მოგვარდება. წარუმატებელი მცდელობის შემდეგ კვლავ გამოცხადდა ელექტრონული კონკურსი.

პროექტის საწყისი ღირებულება შეადგენდა დაახლოებით 1 800 000 ლარს. მერიამ გადაიანგარიშა და შესაძლო ფარგლებში თანხა შეამცირა. დღეისათვის პროექტისთვის გამოყოფილი თანხა 1,188,588 ლარს შეადგენს. ტენდერი 21 ივლისს გამოცხადდა, განაცხადის მიღების ბოლო ვადა -26 ივლისი.

სულდას სოფლის მეთაურის ზარზანდ კუჯოიანის თქმით, პროცესი უკვე დაწყებულია:

”დოკუმენტაციაში უზუსტობის გამო ტენდერი გაუქმდა, ახლა ყველა უზუსტობა გამოსწორდა და ტენდერი კვლავ გამოცხადდა. სამუშაოები უახლოეს მომავალში დაიწყება”.

სახელმწიფო ქონების მართვის სახელმწიფო კომიტეტის მონაცემებით, ტექნოლოგიური ციკლის ინდუსტრიული პროგრამა 4 ძირითადი მიმართულებისაგან შედგება.

პირველ ეტაპზე დაგეგმილია ოთხი ახალი სანიტარული ჭის დამონტაჟება არსებული ჭების სანაცვლოდ. მეორე ეტაპზე სოფელ დილიფში არსებული აუზის ადგილზე აშენდება ახალი წყალსაცავი, რომლის მოცულობა დაახლოებით 500 კუბური მეტრია. შემდეგ ეტაპზე, სოფელ დილიფში წყლის სატუმბი სადგური სოფელ სულდასა და დადეშისთვის დამონტაჟდება. შემდეგ სატუმბი სადგურიდან სულდას წყალშემკრებ ჭამდე 219/6 მმ მოცულობის წყალსადენი დაიდგმება.

სამუშაოების შესრულების ბოლო ვადა- ზედიზედ 240 სამუშაო დღე.

სასმელი წყალი სულდას გრაფიკით მიეწოდება

სულდას წყალმომარაგების მწირი გრაფიკი არ შეცვლილა

სოფელ სულდაში დაახლოებით 185 ოჯახი ცხოვრობს. სოფელში სასმელი წყალი 4 დღეში ერთხელ 2 საათის განმავლობაში მოდის. გარდა ამისა, წყალი სუფთა არ არის. სულდაში წყლის რაოდენობიდან გამომდინარე, გრაფიკი ზოგჯერ იცვლება. სოფლის თითოეულ ქუჩას გარკვეული საათები აქვს.