სახალხო დამცველი ნინო ლომჯარია 28 ივნისს ნინოწმინდის ბავშვთა პანსიონში ჩავა.როგორც “ინტერპრესნიუსს” სახალხო დამცველის აპარატში განუცხადეს, ომბუდსმენი პანსიონში დაახლოებით 13:00 საათისთვის მივა.
ნინოწმინდის ობოლ და მზრუნველობამოკლებულ ბავშვთა პანსიონთან დაკავშირებით ბოდბელ მთავარეპისკოპოს იაკობსა და სახალხო დამცველ ნინო ლომჯარიას შორის შეხვედრა 17 ივნისს გაიმართა. სწორედ აღნიშნულ შეხვედრაზე მოხდა შეთანხმება, რომ პანსიონის მმართველი, ბოდბელი ეპისკოპოსი მეუფე იაკობი და სახალხო დამცველი პანსიონში ერთად ჩავიდოდნენ.
