საქართველოს პარლამენტი ოპოზიციური პარტიების წარმომადგენლებისთვის სადეპუტატო უფლებამოსილების შეწყვეტის საკითხზე მსჯელობას იწყებს. ამ მიზნით, 4 იანვარს ჩანიშნულია საპროცედურო საკითხთა კომიტეტის სხდომა, სადაც „პატრიოტთა ალიანსის“ წევრების მიმართვაზე იმსჯელებენ.
კერძოდ, დღის წესრიგში აღნიშნულია, რომ კომიტეტი განიხილავს ირმა ინაშვილისთვის, გიორგი ლომიასა და გოჩა თევდორაძისთვის პარლამენტის წევრის უფლებამოსილების ვადამდე შეწყვეტის საკითხს. საკითხზე მომხსენებელი კომიტეტის თავმჯდომარე ირაკლი ქადაგიშვილია.
აღნიშნულმა პირებმა საკანონმდებლო ორგანოს სადეპუტატო უფლებამოსილების შეწყვეტის მიზნით გასულ წელს მიმართეს. კერძოდ, პარლამენტს მიმართეს: „სტრატეგია აღმაშენებელმა“, „ლელომ“, „ნაციონალური მოძრაობა – გაერთიანებულმა ოპოზიციამ“, „ლეიბორისტულმა პარტიამ“, „ევროპულმა საქართველომ“ და ზურაბ ჯაფარიძემ. სადეპუტატო უფლებამოსილების შეწყვეტის საკითხზე არ მიუმართავთ პარტია „მოქალაქეებს“ და „გირᲩის“ სამ წევრს.
ამასთან, მეათე მოწვევის პარლამენტში „პატრიოტთა ალიანსმა“ საპარლამენტო არჩევნების შედეგად ოთხი მანდატი მოიპოვა, თუმცა მათი ნაწილი ბოიკოტის ნიშნად სადეპუტატო უფლებამოსილებაზე უარს ამბობს. მათგან პარლამენტში შესვლაზე თანხმობა ავთო ენუქიძემ განაცხადა.
წყარო:1tv.ge
