ხელოვნური ინტელექტის გიგანტები სათბურის გაზების გამოყოფის შესახებ ინფორმაციას არ ავრცელებენ
OpenAI, Anthropic და SpaceX, რომლებიც სულ რამდენიმე წელიწადში მსოფლიოს ერთ-ერთ ყველაზე გავლენიან ბიზნესად იქცნენ, კლიმატის ცვლილებაზე ყველაზე მეტად დუმან. ამის შესახებ Bloomberg იუწყება და აღნიშნავს, რომ ეს კომპანიები, Google-ისა და Microsoft-ისგან განსხვავებით, არ ავრცელებენ სათბურის გაზების გამონაბოლქვის მონაცემებს, არ იღებენ ვალდებულებას ნახშირბადის ნეიტრალიტეტის დაცვაზე და არ აქვეყნებენ მდგრადი განვითარების ანგარიშებს.
ავტორები აღნიშნავენ, რომ მათი საქმიანობის მასშტაბის გათვალისწინებით, ხელოვნური ინტელექტის კომპანიებს სტარტაპებად მხოლოდ პირობითად შეიძლება ეწოდოს.
„მიუხედავად იმისა, რომ რთულია მონაცემთა ცენტრების მშენებლობით გამოწვეული გარემოსთვის მიყენებული ზიანის მასშტაბის ზუსტად შეფასება, ნათელია, რომ სექტორში გამონაბოლქვის მოცულობა კოლოსალურია“, – ხაზს უსვამენ ჟურნალისტები.
სტატიაში ასევე მოყვანილია კვლევის შედეგები, რომლებიც მიუთითებს, რომ აშშ-ში მონაცემთა ცენტრების ენერგიით მომარაგებისთვის აშენებული ახალი გაზზე მომუშავე ელექტროსადგურები შეიძლება იმდენივე მავნე გამონაბოლქვს წარმოქმნიდეს, რამდენსაც მთელი ავსტრალია
ჟურნალისტებმა ამერიკული ტექნოლოგიური გიგანტების ბალანსებზე ტრილიონი დოლარის ოდენობის აღურიცხავი მონაცემთა ცენტრების იჯარის ვალდებულებები აღმოაჩინეს, რაც ჯერ კიდევ არ არის ასახული მათ ფინანსურ ანგარიშგებებში და თითქმის ოთხჯერ აღემატება მათში ასახულ 285 მილიარდი დოლარის ოდენობის იჯარის ვალდებულებებს.
