მარნეულის კულტურის ცენტრში ქართული სიმღერის საიუბილეო, მე-10 ფესტივალ-კონკურსი „სხვა საქართველო სად არის“ გაიმართა. ღონისძიებაში საქართველოს სხვადასხვა მუნიციპალიტეტის ფოლკლორული ანსამბლები და სოლო შემსრულებლები მონაწილეობდნენ. კონკურსის პრიზიორებს შორის ახალქალაქის მუსიკალური სკოლის გუნდიც მოხვდა, რომელმაც ნომინაციაში „აკადემიური გუნდი“ მეორე ადგილი დაიკავა.
ფესტივალის პირველი ეტაპი ქვეყნის მასშტაბით რეგიონულ ცენტრებში ჩატარდა, სადაც დასკვნით ტურში მონაწილეობისთვის საუკეთესო შემსრულებლები შეირჩნენ. კონკურსის ფინალური ეტაპი 17–18 ივნისს მარნეულში გაიმართა, ხოლო 23 ივნისს გამარჯვებულებისა და ლაურეატების მონაწილეობით გალა-კონცერტი მოეწყო.
ფესტივალის მთავარი მიზანი ტრადიციული ქართული სიმღერის პოპულარიზაცია, მუსიკალური მემკვიდრეობის შენარჩუნება და ქვეყნის რეგიონებს შორის კულტურული გაცვლის განვითარებაა. პროექტის ფარგლებში ასევე ტარდება ცნობილი ქართველი შემსრულებლების მასტერკლასები, რომლებიც ახალგაზრდა ნიჭიერი მომღერლების მხარდაჭერას ისახავს მიზნად.
ფესტივალზე ახალქალაქი მუსიკალური სკოლის გუნდის უფროსმა ჯგუფმა წარადგინა, პედაგოგ აზა ვარტანიანის ხელმძღვანელობით. კოლექტივმა საკონკურსო პროგრამაზე წარმატებით იასპარეზა და ნომინაციაში „აკადემიური გუნდი“ მეორე ადგილი დაიკავა.
ახალქალაქის მუსიკალური სკოლის დირექტორმა, სვეტლანა კაროიანმა სოციალურ ქსელ Facebook-ის საკუთარ გვერდზე ამ მიღწევის მნიშვნელობას გაუსვა ხაზი:
„ვამაყობთ ჩვენი ნიჭიერი ბავშვებით! პრესტიჟულ ეროვნულ კონკურს-ფესტივალზე მეორე ადგილის მოპოვება ჩვენი ახალგაზრდა მუსიკოსების უდიდესი შრომისა და პედაგოგების პროფესიონალიზმის შედეგია. წინ ახალი სცენები და ახალი მწვერვალებია“.
ფესტივალის ორგანიზატორები და პარტნიორები იყვნენ საქართველოს კულტურის სამინისტრო, „შემოქმედებითი საქართველო“ (Creative Georgia) და კომპანია RMG.
