გაცნობებთ, რომ ერთიან ეროვნულ გამოცდებში, საგრანტო გამოცდებსა თუ საერთო სამაგისტრო გამოცდებში მონაწილე პირები შეძლებენ ისარგებლონ სპეციალური შეღავათით მართვის მოწმობის მისაღებ გამოცდაზე, რომელსაც მათ შსს-ს მომსახურების სააგენტო სთავაზობს.
სააგენტოს ინფორმაციით, იმ შემთხვევაში, თუ სატრანსპორტო საშუალების მართვის უფლების მისაღები პრაქტიკული გამოცდის მეორე ეტაპის თარიღი ემთხვევა ერთიან ეროვნულ, საგრანტო ან საერთო სამაგისტრო გამოცდას, კანდიდატს ეძლევა შესაძლებლობა, შეცვალოს გამოცდის ჩაბარების დრო.
„ამისათვის კანდიდატმა ელექტრონულ მისამართზე – sagency@sa.gov.ge უნდა გადააგზავნოს საგამოცდო ბარათი და პირადობის დამადასტურებელი დოკუმენტი. წარმოდგენილი ინფორმაციის საფუძველზე, კანდიდატს გამოცდის ახალი დრო დაენიშნება“, – აღნიშნულია შსს-ს მომსახურების სააგენტოს განცხადებაში.
