საქართველოზე გამავალი სატრანზიტო სატვირთო ავტომობილების რაოდენობა გაიზარდა, რამაც ბიუჯეტის შემოსავლებზე დადებითი ასახვა ჰპოვა.
ფინანსთა სამინისტროს მონაცემებით, მარტში ქვეყნის გზებზე 42 807-მა სატვირთომ გაიარა, რამაც ბიუჯეტში ერთი თვის განმავლობაში 14,98 მლნ ლარის შემოსავალი უზრუნველყო.
ჯამურად, იანვარ-მარტში ტრანზიტიდან მიღებულმა შემოსავალმა 38,7 მლნ ლარი შეადგინა. ამგვარად, წლის დასაწყისში გასული წლის მაჩვენებლებთან შედარებით დაფიქსირებული ჩამორჩენა პრაქტიკულად აღმოფხვრილია: თუ იანვარში კლება წლიურ ჭრილში 19%-ს შეადგენდა, პირველი კვარტლის შედეგებით სხვაობა 0,9%-მდე შემცირდა.
შეგახსენებთ, რომ საქართველოს ტერიტორიაზე ერთი სატვირთო ავტომობილის გატარების საფასური 350 ლარს შეადგენს.
