ორგანიზაციის HEKS-EPER Georgia-ს მიერ ევროკავშირის ფინანსური მხარდაჭერით განხორციელებული პროექტის ფარგლებში „სამოქალაქო საზოგადოების გაძლიერება თანაბარი და სრული მონაწილეობისთვის სოციალურ, ეკონომიკურ და პოლიტიკურ ცხოვრებაში“, 28 ნოემბერს, სამცხე-ჯავახეთის საზოგადოებრივი ორგანიზაციების პლატფორმამ ახალქალაქში ახალგაზრდების მონაწილეობით შეხვედრა ჩაატარა, რომელზეც არასამთავრობო ორგანიზაციების წარმომადგენლებმა ჯავახეთში დასაქმების პრობლემის დაძლევის რეკომენდაციები გასცეს.
შეხვედრა ზრდასრულთა განათლების ცენტრის ოფისში გაიმართა. შეხვედრას ადგილობრივი არასამთავრობო ორგანიზაციების წარმომადგენლები და მუნიციპალიტეტის ახალგაზრდები ესწრებოდნენ.
ხუთი თვის განმავლობაში არასამთავრობო ორგანიზაციების პლატფორმა, რომელიც პროექტის ფარგლებში ჯავახეთში დასაქმების პრობლემის გადაჭრის ადვოკატირებაზე მუშაობს, სხვადასხვა წარმომადგენლებთან სხვადასხვა ფორმატის შეხვედრები გამართა. შედეგად არაერთხელ განიხილეს ის სფეროები, რომლებიც ჯავახეთში დასაქმების პრობლემას უწყობს ხელს. წინა დისკუსიებზე დაყრდნობით, არასამთავრობო ორგანიზაცია „ღია საზღვრების“ დირექტორმა რიმა ღარიბიანმა, ზრდასრულთა განათლების ცენტრის დირექტორმა შორენა თეთვაძემ, ბიზნეს ცენტრის დირექტორმა მახარე მაცუკატოვმა, არასამთავრობო ორგანიზაცია LAG ახალქალაქის თავმჯდომარემ სერგეი ხაჩატურიანმა, სამოქალაქო განვითარების ასოციაცია „მომავლის კორპუსის“ დირექტორმა ვაღარშაკ შახბეკიანმა დასაქმების კუთხით მდგომარეობის გაუმჯობესების რეკომენდაციები გამოთქვეს. ახალგაზრდებმაც გამოთქვეს აზრი ადგილობრივი არასამთავრობო ორგანიზაციების რეკომენდაციებსა და ზოგადად მუშაობაზე.
ეს მასალა შექმნილია ევროკავშირის (EU) ფინანსური მხარდაჭერით. მის შინაარსზე პასუხისმგებელია ააიპ “ღია საზღვრები” და შესაძლოა, რომ იგი არ გამოხატავდეს ევროკავშირის შეხედულებებს.
მასალა შექმნილია პროექტის „სამოქალაქო საზოგადოების გაძლიერება სოციალურ, ეკონომიკურ და პოლიტიკურ ცხოვრებაში თანაბარი და სრულყოფილი მონაწილეობისთვის“ ფარგლებში, განმახორციელებელი HEKS\EPER Georgia-ს მიერ რეგიონალურ პარტნიორ ორგანიზაციებთან, სამოქალაქო ინტეგრაციის ფონდი (CIF) – ქვემო ქართლი, სამოქალაქო საზოგადოების ფორმირების ხელშემწყობი ცენტრი (SCCSF) – სამცხე-ჯავახეთი, თანამშრომლობით.
