ეროვნული ბანკის სტატისტიკის მიხედვით, 2023 წლის ივლისის მდგომარეობით, საქართველოს ეკონომიკაში მონეტარული აგრეგატები რეკორდულად გაიზარდა.
კერძოდ, მიმოქცევაში არსებული ნაღდი ფული 5,5 მილიარდი ლარია, რაც წლიური მაჩვენებლით 16%-ით მეტია, ფართო ფულის მასა 22,4 მილიარდი ლარია, რაც 31,5%-ით მეტია წინა წელთან შედარებით.
ეროვნული ბანკის სტატისტიკის მიხედვით, ფულის ფართო მასა შედგება შემდეგი კომპონენტებისგან – ნაღდი ფული, საბანკო სექტორისა და საყოფაცხოვრებო სექტორის ადგილობრივ ვალუტაში დენომინირებული ვადიანი და შემნახველი დეპოზიტების ერთობლიობა, საბანკო და საჯარო სექტორის დეპოზიტების გამოკლებით.
საქართველოს ეროვნული ბანკის ერთ-ერთი მნიშვნელოვანი ფუნქციაა ქვეყანაში ნაღდი ფულის მიმოქცევის რეგულირება და ქვეყნის ეკონომიკის ლარის ბანკნოტებითა და მონეტებით უზრუნველყოფა. ამ ფუნქციას ახორციელებს საქართველოს ეროვნული ბანკი ქვეყანაში მოქმედი კომერციული ბანკების მეშვეობით.
