გარემოს ეროვნული სააგენტოს ინფორმაციით, მომდევნო დღეების განმავლობაში ჰაერის ტემპერატურა მთელი ქვეყნის მასშტაბით დაიკლებს.
აღმოსავლეთ საქართველოში, მათ შორის დედაქალაქში დღეს ძლიერი ქარია მოსალოდნელი. თბილისში ტემპერატურა 17 გრადუსამდე დაიკლებს.
დასავლეთ საქართველოს უმეტეს რაიონში სინოპტიკოსები წვიმასა და ელჭექს, მთაში კი თოვლსა და ქარბუქს ვარაუდობენ.
სინოპტიკოსების პროგნოზით, 12 მაისიდან ტემპერატურა მთელი ქვეყნის მასშტაბით ისევ მოიმატებს.
