ახალქალაქის მუნიციპალიტეტის სოფელ ბეჟანოში ნაგვის ურნების გაჩენის შემდეგ, სოფლის შესასვლელთან მრავალწლიანი ხელოვნური ნაგავსაყრელი ნაკლებად შესამჩნევი გახდა. სოფლის მცხოვრებლები აცხადებენ, რომ საყოფაცხოვრებო ნარჩენებს მხოლოდ ნაგვის ურნაში ყრიან. წელს სოფელმა ნაგვის შეგროვებისთვის კომუნალური გადასახადის გადახდა დაიწყო.
სოფელ ბეჟანოს შესასვლელთან, გზაჯვარედინზე, ადრე ორი უზარმაზარი, ფერადი ნაგვის ნაგავსაყრელი იყო. ახლა ნაგავსაყრელი მხოლოდ ერთ ადგილას ჩანს და ის ისეთი შესამჩნევი არ არის, როგორც ადრე. ბოლოს ნაგავსაყრელი 4-5 წლის წინ გაიწმინდა. შემდეგ კი, დიდი ალბათობით, ძველი ნაგავი დაიშალა, ხოლო ახალ ნაგავს იშვიათად ყრიან, მაგრამ მაინც ყრიან.
ასეთი ნაგავსაყრელები თითქმის ყველა სოფელში იყო, სოფლებში ნაგვის ურნების დამონტაჟების შემდეგ, სოფლებში ხელოვნური ნაგავსაყრელების რაოდენობა და ტერიტორია მცირდება.
სოფლის მოსახლეობა ხვდებოდა, რომ ნაგვის იქ გადაყრით გარემოს აბინძურებს, მაგრამ სხვა გზა არ ჰქონდათ, რადგან სოფელში ნაგვის ურნები არ იყო. სოფელში ნაგვის ურნების გაჩენის შემდეგ, როგორც სოფლის მცხოვრებლები ამბობენ, ნაგავს არ ყრიან. ეს ნაგავსაყრელი სოფელ ბეჟანოსა და ალათუმანს შორის არსებულ ტერიტორიაზე შეიქმნა.
„ეს ნაგავსაყრელი ჩვენს ტერიტორიაზე არ არის, ნაგავს ვინ ყრის არ ვიცი, ბეჟანოს მცხოვრებლები ნაგვის ურნების დამონტაჟების შემდეგ ნაგავს მხოლოდ ყუთებში ყრიან, სოფელში სისუფთავეს ვიცავთ.ურნებს ყოველ ოთხ დღეში ასუფთავებენ”,- თქვა სოფელ ბეჟანოს მერის წარმომადგენელმა მარტიროს მარტიროსიანმა.
სოფელში ახლა, მარტიროს მარტიროსიანის თქმით, 14 ნაგვის ურნაა დამონტაჟებული. სულ აქ 200-მდე ოჯახი ცხოვრობს. სოფელში ნაგვის ურნები ერთმანეთისგან დაახლოებით 50-100 მეტრშის სიშორეზეა დამონტაჟებული.
სოფელს რომ ვესტუმრეთ (19 ნოემბერს), ცენტრალური ქუჩა სუფთა იყო, გზის გვერდით, სკოლის ეზოდან დაწყებული ნაგვის ურნები იყო. მოსახლეობა კმაყოფილია, რომ ნაგვის ურნებში გადაყრის შესაძლებლობა აქვთ.
ბეჟანოს მოსახლეობამ ნაგვის შეგროვების საფასურის გადახდა ბოლო თვეების განმავლობაში დაიწყო, რადგან იქ ურნების რაოდენობა გაიზარდა. ახალქალაქის მუნიციპალიტეტში ერთ სულზე ფიზიკურ პირებზე ნაგვის გატანის ტარიფი 50 თეთრია, თუ ოჯახში ოთხზე მეტი ადამიანია გადასახადი 2 ლარს შეადგენს, იურიდიული პირები კი 1 კუბურ მეტრ ნაგავზე 25 ლარს იხდიან. კონტროლიორები, რომლებიც მოსახლეობისგან სააბონენტო გადასახადს აგროვებენ, ხელფასის სახით შეგროვებული თანხის 30%-ს იღებენ.
ახალქალაქის სერვისცენტრი, დირექტორის რსტაკიან მხითარის თქმით, სოფელ ბეჟანოდან ნაგავი 3-4 დღეში ერთხელ გააქვთ და საფასურსაც უკვე აგროვებენ. მხითარ რსტაკიანმა ასევე თქვა, რომ მათ კვლავ მიიღეს 129 ნაგვის ურნა და მათი დარიგებით არიან დაკავებულნი. სოფელ ბეჟანოში კი მეტის დამატებას არ აპირებენ, რადგან მიაჩნიათ, რომ სოფელი სრულად არის უზრუნველყოფილი ურნებით.
რამდენიმე წელია, ადგილობრივი ბიუჯეტიდან სოფლების ხელოვნური ნაგავსაყრელების გასასუფთავებლად თანხები გამოიყოფა. ზოგიერთ სოფელში ხელოვნური ნაგავსაყრელები გაქრა ან შემცირდა. ნაგავსაყრელების სრულად აღმოსაფხვრელად საჭიროა ცოტა მეტი ძალისხმევა და ფული. 2025 წლის ბიუჯეტის პროექტში აღნიშნული ნაგავსაყრელების ლიკვიდაციისთვის თანხა არ არის გათვალისწინებული, თუმცა მერიაში აღნიშნავენ, რომ ეს ნაგავსაყრელები გაიწმინდება.
