„ხელშეწყობა რეგიონული ახალგაზრდული ინიციატივების“ პროექტის ფარგლებში, ახალგაზრდული პოტენციალის რეალიზაციისა და ახალგაზრდული ორგანიზაციების გაძლიერების მიზნით, „ახალგაზრდული სააგენტო“ მცირე გრანტების გაცემაზე კონკურსს აცხადებს.
კონკურსში მონაწილეობის მიღება შეუძლიათ რეგიონში რეგისტრირებულ ახალგაზრდულ საზოგადოებრივ ორგანიზაციებს და საინიციატივო ჯგუფებს.
საგრანტო კონკურსი მიმდინარე წლის 1 მაისს გამოცხადდა და 10 ნოემბრამდე გაგრძელდება. კონკურსის ფარგლებში განაცხადები მიიღება ყოველი თვის 13-დან 25-მდე საკონკურსო ბიუჯეტის ამოწურვამდე. მონაწილეობის მისაღებად შეგიძლიათ მიწეროთ ელექტრონული ფოსტის მისამართზე grants-1@youthagency.gov.ge.
კონკურსის ჯამური ბიუჯეტი 600 000 ლარია. თითოეული გრანტისთვის დაფინანსების მაქსიმალური ლიმიტი განისაზღვრება 15 000 ლარით.
დამატებითი ინფორმაციისთვის შეგიძლიათ ეწვიოთ შემდეგ ბმულს.
