21 მაისს სოფელ ხულგუმოში ბოლო ზარი დაირეკა. წელს სკოლას 5 მოსწავლე ამთავრებს.
დღის მეორე ნახევარში ხულგუმოს საჯარო სკოლის ეზოში ხალხმრავლობა იყო. შეიკრიბნენ მასწავლებლები, მშობლები, თანასოფლელები, ყველა მეთორმეტე კლასელებს ელოდებოდა.
ცერემონია საქართველოსა და სომხეთის ეროვნული ჰიმნებით დაიწყო.
წელს სკოლას ხუთი მოსწავლე დაემშვიდობა, ყველა მათგანი უკვე დარეგისტრირდა უნივერსიტეტებში სწავლის გასაგრძელებლად თბილისსა და ერევანში. სამ კურსდამთავრებულს სურს უმაღლესი განათლების მიღება თბილისში, ორს – ერევანში. ორი კურსდამთავრებული მედლების კანდიდატია – კარენ ჩივჩიანი და ვარდან ეპრიკიანი.
მათმა პირველმა მასწავლებელმა, ამჟამინდელმა კლასის დამრიგებელმა და ასევე სკოლის დირექტორმა ბავშვებს გამოსამშვიდობებელი სიტყვით მიმართეს. სკოლის დირექტორმა კურსდამთავრებულებს კარგი ქცევისა და შესანიშნავი აკადემიური მოსწრებისთვის ჯილდოები გადასცა.
მისალოცი სიტყვები და საცეკვაო ნომრები შეასრულეს მე-9 და 1 კლასის მოსწავლეებმა, ასევე მათმა მასწავლებლებმა.
ღონისძიების დასასრულს მეთორმეტე კლასელებმა ვალსი იცეკვეს.
აქვე აღვნიშნავთ, რომ ამ დღეებში ახალქალაქისა და მიმდებარე სოფლების სკოლებში ბოლო ზარი ირეკება.
