![](https://jnews.ge/wp-content/uploads/Javaxqi-garun-1.jpg)
№4 საჯარო სკოლაში (დემირჩიანის სახ.) 20 მაისს, ბოლო ზარი დაირეკა. სკოლა 42 მოსწავლემ დაამთავრა, 11 მათგანი სწავლაში წარმატებისთვის მედალს მიიღებს.
სიხარულში შერეული სევდა, ღიმილით შერეული ცრემლები – ახალქალაქის მუნიციპალიტეტში ბოლო ზარები იწყება. მოსწავლეები სკოლას ემშვიდობებიან და ცხოვრების ახალ ეტაპზე გადადიან.
დღეს №4 სკოლაში (დემირჩიანის სახელობის) ბოლო ზარი დარეკა. მოსწავლეების მშობლები, ნათესავები და მეგობრები სკოლის ეზოში შეიკრიბნენ, რათა შვილები ზრდასრულ ცხოვრებაში გააცილონ. მოსწავლეებისთვის მილოცვები და საზეიმო გამოსვლები უმცროსი სკოლის მოსწავლეებმა მოამზადეს. სკოლადამთავრებულებმა თავად წაიკითხეს ლექსები, შეასრულეს სიმღერები და ცეკვები, მადლიერების სიტყვები წარმოთქვეს მასწავლებლებისა და მშობლების მიმართა, დაემშვიდობნენ სკოლას.
ღონისძიების დასასრულს სკოლადამთავრებულებმა გამოსამშვიდობებელი ვალსი იცეკვეს.
20 მაისს, №3 (ჭავჭავაძის სახ.), №4 (დემირჩიანის სახ.) სკოლების მოსწავლეებისთვის ბოლო ზარები გაისმა. 21 მაისს ბოლო ზარები დაირეკება №2 სკოლაში (რუსული) და №5 სკოლაში (ყოფილი ინტერნატი), 23 მაისს – №1 სკოლაში (თუმანიანის სახ. ). ასევე, ბოლო ზარს ამ დღეებში ყველა სოფლის სკოლა დარეკავს.