4 მარტს, ახალქალაქის მუნიციპალიტეტის საკრებულოში გენდერული თანასწორობის საბჭოს მეორე სხდომა გაიმართა, რომელზეც ახლახან მიღებული სამოქმედო გეგმის საფუძველზე მარტის და აპრილის ღონისძიებები განიხილეს.
გენდერული თანასწორობის საბჭომ, რომელიც შედგება დეპუტატების, მერიის თანამშრომლებისა და არასამთავრობო ორგანიზაციებისგან, განიხილა ის ღონისძიებები, რომლებიც უახლოეს მომავალში უნდა განხორციელდეს.
შეხვედრა საკრებულოს დეპუტატმა სედა მელკუმიანმა დაიწყო, რომელმაც სამოქმედო გეგმის მიხედვით მუნიციპალიტეტში აღსანიშნავი საერთაშორისო დღეები წარადგინა. ეს მოიცავს: 3 მარტი – დედის დღე საქართველოში, 8 მარტი – ქალთა საერთაშორისო დღე, 15 მაისი – ოჯახის საერთაშორისო დღე, 19 ივნისი – მამების საერთაშორისო დღე, 12 აგვისტო – ახალგაზრდობის საერთაშორისო დღე და 25-დან 10 დეკემბრამდე – 16- დღიანი მარათონი ოჯახში ძალადობის წინააღმდეგ.
მერიის წარმომადგენელმა მერიის მიერ 8 მარტისთვის დაგეგმილ ღონისძიებებზე ისაუბრა.
წელს, 8 მარტს, მერიამ გადაწყვიტა, 100 წელს გადაცილებული მუნიციპალიტეტის 3 ქალს მიულოცოს. მუნიციპალიტეტში 4 ასეთი ქალბატონია, მათგან ერთი სოფელ ბარალეთის მკვიდრი- სხვა ადგილას ცხოვრობს.
სოფელ კოჩიოს, ალათუმანისა და აზარვეთის დანარჩენ 3 ქალს, რომელთაგან უფროსი 104 წლისაა, ადგილობრივი ბიუჯეტიდან საჩუქრები გადაეცემათ, კონკრეტულად რა — ჯერჯერობით უცნობია.
წელს, ამ ქალბატონების გარდა, ადგილობრივი ხელისუფლება მერიის და საკრებულოს თანამშრომლებს, სერვის ცენტრის თანამშრომლებს და მუნიციპალური IP-ების დირექტორებს მიულოცავს. ამის შესახებ საკრებულოს თავმჯდომარემ ნაირი ირიციანმა გააკეთა შენიშვნა.
„ჩვენ ხელისუფლების წარმომადგენლები ვართ, ისევ ჩვენზე ვხარჯავთ ბიუჯეტს. რატომ?! თუმცა, რადგან შეიტანეთ, წინააღმდეგი არ ვარ. ან რატომ უნდა მიიღონ საჩუქარი IP დირექტორებმა, თანამშრომლებმა კი არა? რატომ?” – თქვა მან.
მან შესთავაზა ქალბატონებისთვის ყვავილების შემთხვევითი პრინციპით ჩუქება, რომლებიც იმ დღეს იქნებოდნენ ახალქალაქის ცენტრში, ასევე ყვავილების მიცემა სხვადასხვა პროფესიის ქალებისთვის გენდერული საბჭოსთვის გამოყოფილი ბიუჯეტის გამოყენებით.
არასამთავრობო ორგანიზაციამ ყვავილების მშობიარე ქალებისთვის ჩუქებაც შესთავაზა, რომლებიც 8 მარტს ქალაქის საავადმყოფოში იქნებიან.
ასევე განიხილეს საკითხი, თუ რა ღონისძიებები შეიძლება მოეწყოს 8 მარტამდე, მათ შორის გენდერული თანასწორობის საბჭოს მიერ, იმის გათვალისწინებით, რომ დღესასწაულებამდე ცოტა დრო რჩება.
თუმცა, დეპუტატების მხრიდან იყო შეთავაზება, რომ მეტი ყურადღება დაეთმოს დაუნის სინდრომის საერთაშორისო დღეს 21 მარტს და აუტიზმის ცნობადობის მსოფლიო დღეს 2 აპრილს.
საკრებულოს თავმჯდომარემ, ნაირი ირიციანმა გენდერული თანასწორობის საბჭოს წევრებს ყვავილების ჩუქებაზე უფრო სერიოზულ საკითხებზე ყურადღების მიქცევისკენ მოუწოდა. არასამთავრობო ორგანიზაციებმა მოიფიქრეს ცენტრის შექმნა, სადაც აუტიზმის ან დაუნის სინდრომის მქონე ბავშვების მშობლებს შეეძლოთ ფსიქოლოგიური და სპეციალიზებული დახმარების გავლა ან კვალიფიციური კადრების მომზადება მსგავსი პრობლემების მქონე ბავშვების დასახმარებლად.
„თუ ცენტრისთვის შესაძლებლობები გვაქვს, ხოლო ჩვენი ბიუჯეტი თანდათან იზრდება, გვაქვს თავისუფალი ფართები, სადაც შეგვიძლია რემონტის გაკეთება. თუ შესაძლებლობა იქნება, ეს საკითხი უნდა შეისწავლოს. უკეთესი იქნება, თუ ჩვენ შევქმნით ასეთ ცენტრს, მოვამზადებთ კადრებს, თორემ საჩუქარს ვაჩუქებთ და მორჩა. შესაძლებელია სპეციალისტების დაქირავება, რათა მათ შეძლონ ბავშვებთან მუშაობა, რადგან უფრო ხშირად მშობლები ზრუნავენ ბავშვებზე“, – ამბობს ნაირი ირიციანი.
შედეგად, გენდერული თანასწორობის საბჭომ გადაწყვიტა მომავალი გეგმებისა და შეთავაზებების უფრო დეტალურად განსახილველად კვლავ შეიკრიბოს.
