წელს ახალგაზრდებისა და სიყვარულის მფარველი სურბ სარგისის ხსენების დღე წელს 27 იანვარს აღინიშნება.
სრულიად სომეხთა კათოლიკოსის გარეგინ II-ის გადაწყვეტილებით, სურბ სარგისის დღესასწაული ახალგაზრდობის კურთხევის დღედ გამოცხადდა. სარდალმა სურბ სარგისმა ქრისტიანული სარწმუნოებისთვის წამება მიიღო. სომხეთში მიღებულია სურბ სარგისის დღესასწაულის აღნიშვნა არა მხოლოდ საეკლესიო ცერემონიით, არამედ ხალხური ტრადიციების შესაბამისად. ზორავარ სარგისი ახალგაზრდების შუამდგომელია. მისი შუამავლობით ხდება სასწაულები. ის არის წმინდანი, რომელიც სიყვარულის ოცნებებს ასრულებს.
სურბ სარგისის დღესასწაულის წინა ღამეს ახალგაზრდები მიირთმევენ მარილიან ნამცხვრებს, რომელიც დაკავშირებულია სიზმარში პატარძლის ან სიძის გამოჩენასთან. ამ დღის ერთ-ერთი ღირსშესანიშნავი ტრადიცია არის ის, რომ პოჰინძი (შემწვარი ხორბლის ფქვილისგან დამზადებული ტკბილეული) თეფშით სახლის სახურავზე ან ფანჯრის რაფაზე უნდა დარჩეს. ტრადიციის თანახმად, თუ დილით მარცვლეულში კვალი იქნება, მაშინ ის დატოვა სურბ სარგის ცხენმა, რომელიც ანგელოზებთან ერთად მოფრინდა. ეს ნიშნავს, რომ წელს მორწმუნის ოცნება ახდება. დღესასწაულთან დაკავშირებით შეყვარებული ახალგაზრდები ერთმანეთს ბარათებსა და ტკბილეულს ჩუქნიან.
დღესასწაულის დღეს სურბ სარგის ზორავარის სახელობის ტაძრებში აღესრულება წმინდა ლიტურგია, რის შემდეგაც ახალგაზრდების კურთხევის ცერემონია იმართება.
