სიახლე სოფლის მეურნეობა

ფერმერებისა და ახალგაზრდების დაფინანსების პროგრამა დაიწყება

---

2024 წლის 5 თებერვალს საქართველოს სოფლის მეურნეობის სამინისტრო სოფლის მეურნეობის განვითარების საერთაშორისო ფონდის მხარდაჭერით რამდენიმე რეგიონში, მათ შორის სამცხე-ჯავახეთში, ფერმერებისა და ახალგაზრდების დასაფინანსებლად კონკურსს გამოაცხადებს.

სახელმწიფო პროგრამის მიზანია რძის მრეწველობის მოდერნიზაცია და სოფლის დასახლებაში ბაზრებზე ეკონომიკური განვითარების ხელმისაწვდომობა, კონკურენტუნარიანი, დივერსიფიცირებული და მდგრადი რძის მრეწველობის ჩამოყალიბების ხელშეწყობა. ასევე რძის მცირე ფერმერების მდგრადობისა და მოქნილობის ხელშეწყობა.

პროგრამა აფინანსებს რამდენიმე მიმართულების საქმიანობას:

• რძის პირველადი წარმოება – ფერმის მშენებლობისა და მშენებლობის თანადაფინანსება. რძის მიღების პუნქტი, სპეციალური ტექნიკის, მანქანებისა და არსებული შენობების მოდერნიზაცია/რემონტის თანადაფინანსება. სურსათის უვნებლობის საერთაშორისო სტანდარტის/სისტემის დანერგვა. საზაფხულო საძოვრებზე რძის მიმღები პუნქტის თანადაფინანსება, აღჭურვილობა და მოდერნიზაცია/შეკეთება. რძის გადამამუშავებელი ქარხანა (მცირე ზომის);
• ვეტერინარული მედიცინა და ხელოვნური განაყოფიერება – ვეტერინარული საქმიანობისა და ხელოვნური განაყოფიერებისთვის საჭირო ინვენტარისა და აღჭურვილობის შეძენა;
• ახალგაზრდებისთვის ალტერნატიული აქტივობები (18-35 წლის მამაკაცები და 18-40 წლის ქალების ჩათვლით, შესაბამისი მუნიციპალიტეტის ადგილობრივი მცხოვრებლები) – არაუმეტეს 100 კვადრატული მეტრი ფართობის სათბურის თანადაფინანსება;

კონკურსში მონაწილეობა შეუძლიათ საქართველოს მოქალაქეებს და კოოპერატივებს.

თანადაფინანსების წილი სხვადასხვა შემთხვევაში განსხვავებულია:

• ახალგაზრდობის კატეგორიაში „რძის მწარმოებელი“ თანადაფინანსება შეადგენს 75%-ს, მაგრამ არაუმეტეს 40,000 ლარი, დანარჩენი ბენეფიციარებისათვის 65%-ისა (მაგრამ არაუმეტეს 40,000 ლარი).
• ხელოვნური განაყოფიერებისა და ვეტერინარული მომსახურების პროგრამაში ნებისმიერი კატეგორიის თანადაფინანსება შეადგენს 70%-ს (მაგრამ არაუმეტეს 25000 ლარი).
• „რძის გადამუშავების“ კატეგორიაში თანადაფინანსება შეადგენს 50%-ს, მაგრამ არაუმეტეს 80 000 ლარი.
• „რძის მიმღები პუნქტი“ – თანადაფინანსება 60%, მაგრამ არაუმეტეს 108 000 ლარი.
• რძის მიმღები პუნქტი საზაფხულო საძოვრებიდან – 70%, მაგრამ არაუმეტეს 28000 ლარი.
• რძის მცირე გადამამუშავებელი – 70% (მაგრამ არაუმეტეს 31000 ლარი).
• ალტერნატიული აქტივობები ქალებისთვის 90%, მამაკაცებისთვის 80% (მაგრამ არაუმეტეს 8000 ლარი).
• რძის მწარმოებელი ქალებისთვის 90% (მაგრამ არა უმეტეს 20000 ლარი) მამაკაცებისთვის 80% (მაგრამ არაუმეტეს 20000 ლარი).

დამატებითი ინფორმაციისთვის მიმართეთ საქართველოს სოფლის მეურნეობის სამინისტროს ახალქალაქის საინფორმაციო-საკონსულტაციო ცენტრს.

განაცხადის გაგზავნა შესაძლებელია შემდეგი ბმულით my.mepa.gov.ge