ჯავახეთში კარტოფილის რთველთან ერთად სტაფილოს რთველიც დაიწყო. გამონაკლისი არც სოფელი ხავეთია. სექტემბრის დასაწყისში მოსულმა ძლიერმა სეტყვამ სტაფილოს ნათესები დააზიანა, რის გამოც სოფელში მოსავლის აღება გართულდა.
სეტყვამ სტაფილოს ღეროები დააზიანა, მოსავლის აღება გაძნელდა და ახლა სოფლის მოსახლეობა სტაფილოს მიწიდან სათითაოდ თხრის.
თესვის სირთულისა და დაბალი ფასის გამო სტაფილოს სოფელში ბევრი არ თესავს. ხავეთში აღნიშნავენ, რომ წელს შარშანდელი მოსავლის ნახევარსაც არ მიიღებენ. სოფლის მოსახლეობა იმედოვნებდა, რომ წელს სტაფილოს ფასი მაღალი იქნებოდა, მაგრამ პირიქით აღმოჩნდა, სტაფილოს ფასი არა მხოლოდ დაბალია, არამედ რეალიზაციის პრობლემაც არის.
სოფელში გაცვლით დაკავებული ერთ-ერთი მყიდველის თქმით, წლევანდელი სტაფილოს მოსავალი გაფუჭებულია. სეტყვამ დააზიანა სტაფილოს ის ნაწილები, რომლებიც მიწის ზემოთ არის, და ფერმერი დაზიანებული სტაფილოს გაყიდვას ვერ ახერხებს.
„სტაფილოების ამოღება და დახარისხება ხელით მიწევს, რადგან წლევანდელი მოსავალი გაფუჭებულია, ვერ ვიყიდი და ძვირად ვერ გავყიდი. ჯერ ერთი, ფასი დიდ ბაზრებზეც დაბალია და გარდა ამისა, გაფუჭებულ სტაფილოს ძვირად ვერ გავყიდი“, – ამბობს გამყიდველი.
ხავეთის მცხოვრების თქმით, სტაფილოს მყიდველი ბევრი არ არის და რა ფასიც არ უნდა უკარნახოს ბაზარმა, უნდა მოერგონ, რომ მოსავალი არ გაფუჭდეს.
სოფლის მოსახლეობა 1 კგ სტაფილოს 70 თეთრად ყიდის, დიდ ქალაქების ბაზრებში კი ფასი ლარს არ აღემატება, სუპერმარკეტებსა და მაღაზიებში შედარებით მაღალია – 1,50-1,75 ლარი.
სტაფილოს რთველი სექტემბრის შუა რიცხვებში იწყება და ოქტომბერში მთავრდება. თუმცა, ხავეთში სეტყვით გამოწვეული სირთულეების გამო, ამას მოსალოდნელზე მეტი დრო დასჭირდება.
