ახალქალაქელი მოკრივეების არტიუშ გომციანისა და ვიგენ ფილოსიანის საქართველოში კრივის პირველი ბრძოლა 31 იანვარს შედგა და ორივემ მეტოქე 5:0 ანგარიშით დაამარცხეს.
პირველ თებერვალს ვიგენ ფილოსიანი და ედუარდ სტეპანიანი წარდგებიან. ორთაბრძოლებს პირდაპირი ეთერში შეგიძლიათ საქართველოს კრივის ფედერაციის ფეისბუქ გვერდზე უყუროთ.
30 იანვრიდან 4 თებერვლის ჩათვლით საქართველოში კრივის ჩემპიონატი ტარდება, რომელშიც ახალქალაქელი სპორტსმენებიც მონაწილეობენ.
ჩემპიონატში ახალქალაქიდან 11 სპორტსმენი იასპარეზებს, 5 – ახალგაზრდათა კატეგორიაში (17-18 წელი), ხოლო 6 მოზრდილებში (18 წელზე მეტი). როგორც სპორტსმენების მწვრთნელმა ატომ ელიზბარიანმა აღნიშნა, წელს ყველა მონაწილე სხვადასხვა ჩემპიონატებისა და ტურნირების პრიზიორი და გამარჯვებულია.
ახალგაზრდული კატეგორიები:
გორ აივაზიანი (54 კგ-მდე), ევროპის ჩემპიონი, მსოფლიო ჩემპიონატის მედალოსანი
სამველ ღაზარიანი (80 კგ-მდე), ევროპის მედალოსანი
ვიგენ ფილოსიანი (71 კგ-მდე),
პავლიკ ეგოიანი (86 კგ-მდე)
სტეპანიანი ედუარდი (63 კგ-მდე)
ზრდასრულთა კატეგორიაში:
არტიუშ გომციანი (60 კგ-მდე), ევროპის მოქმედი ჩემპიონი
არტიომ იორდანიანი (92 კგ-მდე), საქართველოს ნაკრების წევრი, ევროპის ჩემპიონატის გამარჯვებული
არშაკ ელიზბარიანი (75 კგ-მდე), ევროპის ჩემპიონატის მონაწილე, საერთაშორისო ტურნირების გამარჯვებული, საქართველოს ნაკრების წევრი.
არამ ხრიკიანი (57 კგ-მდე), საქართველოს ჩემპიონი
არმენ გრიგორიანი (60 კგ-მდე), საერთაშორისო ტურნირების გამარჯვებული
ნაირ მელიქიანი (71 კგ-მდე), სომხეთის ჩემპიონი MMA-ში
