ნინოწმინდის კულტურულ-საგანმანათლებლო ახალგაზრდულ ცენტრში ღონისძიება სახელწოდებით „ხალიჩების ქსოვის კულტურა ცხოვრობს“ გაიმართა. ხალიჩის ქსოვის წრის მოსწავლეებმა საინტერესო ისტორიული ექსკურსით წარმოადგინეს სომხური ხალიჩის წარმოშობისა და განვითარების ეტაპები, რომელსაც თან ახლდა სომხური სიმღერები და ცეკვები.
ღონისძიება ხალიჩების ქსოვის ცენტრის წრის ხელმძღვანელის, ლალა შახბეკიანის მიერ იყო ორგანიზებული. მისი თქმით, ბავშვები განსაკუთრებული ენთუზიაზმით ესწრებიან გაკვეთილებს, რაც ძალიან მნიშვნელოვანია, განსაკუთრებით ინტერნეტის ეპოქაში, როცა ბავშვებს ინტერნეტის გარდა სხვა არაფერი აინტერესებთ.
ღონისძიების ორგანიზატორების თქმით, ჯავახეთში ხალიჩების ქსოვის განვითარების ახალი კვანძი 2014 წელს შეიქმნა, როდესაც ნინოწმინდაში კულტურულ-საგანმანათლებლო ახალგაზრდული ცენტრი გაიხსნა.
„ჩვენდა სასიხარულოდ, ნინოწმინდაში იყო ქალი, რომელმაც იცის ხალიჩების ქსოვის ხელოვნება. წლების განმავლობაში ჩვენი ხალიჩის ქსოვის წრის მუშაობა მთელ მსოფლიოში გავრცელდა. სომხების მხარდაჭერის კავშირს, რომელიც ამ ყველაფრის ფუძემდებელია, მსოფლიოს 27 ქვეყანაში აქვს ოფისები და უყოყმანოდ შემიძლია ვთქვა, რომ ჩვენი სტუდენტების მიერ მსოფლიოს 20 ქვეყანაში დამზადებული ფარდაგები ეკიდა ორგანიზაციის ოფისების კედლებზე წარწერით „ნინოწმინდის ახალგაზრდული ცენტრი“. ეს ჩვენთვის, ჯავახებისთვის დიდი სიამაყეა“, – განაცხადა სომხების მხარდაჭერის კავშირის თავმჯდომარე კარინე თადევოსიანმა.
ჯავახეთში ხალიჩების ქსოვისადმი მიძღვნილ ღონისძიებას ნინოწმინდის კულტურულ-საგანმანათლებლო ცენტრის პედაგოგიური პერსონალი, საზოგადოებრივი და კულტურის მოღვაწეები და სხვები ესწრებოდნენ.
